2 Mga Taga-Corinto 2:15 - Ang Pulong sa Dios

¹⁵ Kay sama kami sa mahumot nga halad ni Cristo ngadto sa Dios nga mapanimahoan sa mga tawo nga nangaluwas ug bisan sa mga nangawala.

Ang Biblia 2011

¹⁵ Kita ang kahumot ni Cristo ngadto sa Dios diha kanila nga mga nangaluwas ug kanila nga mga nangalaglag,

Maayong Balita Biblia

¹⁵ Kay sama kita sa alimyon sa insenso nga gisunog ni Cristo alang sa Dios. Mangalimyon kini ngadto sa mga linuwas ug niadtong nangalaglag.

Ang Bag-ong Maayong Balita Biblia

¹⁵ Kay sama kita sa alimyon sa insenso nga gisunog ni Cristo alang sa Dios. Mangalimyon kini ngadto sa mga linuwas ug niadtong nangalaglag.

2 Mga Taga-Corinto 2:15 Cross References

Genesis 8:21

Sa dihang napanimahoan sa Ginoo ang kahumot niini, miingon siya sa iyang kaugalingon, “Dili ko na gayod tunglohon pag-usab ang yuta tungod sa binuhatan sa tawo. Bisan pa ug daotan siya sukad pa sa iyang pagkabata, dili ko na gayod laglagon pag-usab ang tanang adunay kinabuhi sama sa akong gibuhat.

Exodo 29:18

Unya sunoga kining tanan diha sa halaran isip halad nga sinunog alang kanako. Ang kahumot niini nga halad pinaagi sa kalayo makapalipay kanako.

Exodo 29:25

Unya kuhaa kini kanila ug sunoga diha sa halaran uban sa halad nga sinunog. Ang kahumot niini nga halad pinaagi sa kalayo makapalipay kanako.

Awit sa mga Awit 1:3

Pagkahumot gayod sa imong pahumot; apil ang imong ngalan murag pahumot nga nangalimyon. Dili ikatingala nga nakagusto gayod kanimo ang mga dalaga.

Ezequiel 20:41

Kon makuha ko na kamo gikan sa mga nasod diin kamo nagkatibulaag, dawaton ko kamo ingon nga mahumot nga halad. Ipakita ko kaninyo ang akong pagkabalaan atubangan sa mga nasod.

Numeros 15:3

paghalad kamo kanako ug mga halad gikan sa inyong mga kahayopan. Paghalad kamo ug mga halad nga sinunog, mga halad sa pagtuman sa usa ka panaad, mga halad nga kinabubut-on, o mga halad sa panahon sa mga pista. Ang kahumot niini nga mga halad pinaagi sa kalayo makapalipay kanako.

1 Mga Taga-Corinto 1:18

Alang sa mga tawong nangawala, ang pagtulon-an mahitungod sa kamatayon ni Cristo sa krus binuang lang, apan kanatong nangaluwas, kini gahom sa Dios.

Mga Taga-Efeso 5:2

Kinahanglan makita kanunay sa inyong kinabuhi nga gihigugma ninyo ang uban sama sa paghigugma ni Cristo kanato. Kay gihatag pa gani niya ang iyang kinabuhi alang kanato isip mahumot nga halad ngadto sa Dios.

Mga Taga-Filipos 4:18

Karon abunda ako, ug sobra pa gani. Ang tanan nga akong gikinahanglan ania na ug wala gayoy kulang, tungod kay gidala na dinhi ni Epafrodito ang inyong gipadala nga hinabang. Kini nga tabang sama sa humot nga halad nga ginahalad ngadto sa Dios, nga iyang gidawat nga adunay kalipay.

2 Mga Taga-Tesalonica 2:10

ug gamiton niya ang uban pa nga pamaagi aron malimbongan ang mga nangawala. Mao kini ang ilang dangatan tungod kay dili sila mohigugma sa kamatuoran nga mao unta ang makaluwas kanila.