2 Mga Taga-Corinto 12:18 - Ang Pulong sa Dios

¹⁸ Gihangyo pud nako si Tito nga moanha diha ug gipauban pud nako kaniya ang usa pa gayod ka igsoon kang Cristo. Dili kamo makaingon nga namintaha si Tito kaninyo; dili mahimo nga tuntohon niya kamo kay nakita man ninyo nga managsama ang among paggawi ug katuyoan.

Ang Biblia 2011

¹⁸ Akong gihangyo si Tito sa pag-anha diha, ug gipakuyogan ko siya ug igsoon. Nagpahimulos ba si Tito kaninyo? Dili ba naggawi man kami diha sa mao rang espiritu? Dili ba mao ra man ang among mga lakang?

Maayong Balita Biblia

¹⁸ Gihangyo ko si Tito sa pag-anha kaninyo ug gipauban ko kaniya ang laing igsoon. Moingon ba kamo nga si Tito namintaha kaninyo? Dili ba siya ug ako nagbuhat tungod sa samang katuyoan ug nagkinabuhi sa samang paagi?

Ang Bag-ong Maayong Balita Biblia

¹⁸ Gihangyo ko si Tito sa pag-anha kaninyo ug gipauban ko kaniya ang laing igsoon. Moingon ba kamo nga si Tito namintaha kaninyo? Dili ba siya ug ako nagbuhat tungod sa samang katuyoan ug nagkinabuhi sa samang paagi?

2 Mga Taga-Corinto 12:18 Cross References

Nehemias 5:14

Sulod sa 12 ka tuig nga nagserbisyo ako ingon nga gobernador sa Juda, gikan sa ika-20 nga tuig hangtod sa ika-32 nga tuig sa paghari ni Artaxerxes, wala gayod ako ug ang akong mga paryente magdawat sa pagkaon nga rasyon alang sa gobernador.

Numeros 16:15

Nasuko pag-ayo si Moises ug miingon siya sa Ginoo, “Ayaw dawata ang ilang mga halad. Wala ako makasala kang bisan kinsa kanila; wala akoy gikuha kanila nga bisan usa ka asno.”

Roma 4:12

Si Abraham amahan usab sa mga tinuli, dili tungod sa ilang pagkatinuli, kondili tungod sa ilang pagtuo nga sama sa pagtuo sa atong amahan nga si Abraham sa dihang wala pa siya matuli.

1 Mga Taga-Corinto 4:21

Busa unsa ang inyong pilion? Moanha ba ako diha nga masuk-anon o mahigugmaon ug adunay kalumo?

2 Mga Taga-Corinto 7:2

Kon mahimo, hatagi kami ninyog luna sa inyong kasing-kasing. Wala kami magbuhat ug daotan kang bisan kinsa kaninyo. Wala usab kami mangdaot o mamintaha kaninyo.

2 Mga Taga-Corinto 7:6

Apan ang Dios nga gadasig sa mga masulob-on mao ang nagdasig kanamo pinaagi sa pag-abot ni Tito.

2 Mga Taga-Corinto 8:6

Tungod sa ilang maayong gibuhat, gidasig namo si Tito sa pagbalik diha kaninyo ug padayonon ang nasugdan na niya nga buluhaton sa pagtigom sa inyong mga hinabang.

1 Pedro 2:21

Ang pag-antos ni Cristo alang kanato mao ang panig-ingnan nga angay natong sundon. Ug mao kini ang katuyoan kon nganong gitawag kita, aron masunod ta ang kinabuhi ni Cristo.