2 Mga Taga-Corinto 11:9 - Ang Pulong sa Dios

⁹ Sa dihang nakulangan ako sa akong mga kinahanglanon wala pud ako mangayo ug tabang kang bisan kinsa kaninyo. Ang atong mga igsoon kang Cristo sa Macedonia mao ang naghatag kanako sa akong mga kinahanglanon. Kutob sa akong mahimo gilikayan ko ang paghasol kaninyo, ug mao gayod kini kanunay ang akong buhaton.

Ang Biblia 2011

⁹ Ug sa diha nga ako uban kaninyo ug nakabsan sa mga kinahanglanon, wala ako maghasol kang bisan kinsa, kay ang akong mga gikinahanglan gihatag man kanako sa mga igsoon nga nangabot gikan sa Macedonia. Busa ako naglikay ug magpadayon sa paglikay sa paghasol kaninyo sa bisan unsang paagi.

Maayong Balita Biblia

⁹ Bisan sa akong kawad-on samtang nakig-uban kaninyo, wala ako mangayo kaninyog hinabang kay ang mga kaigsoonan nga nangabot gikan sa Macedonia nagdala man sa tanan nga akong gikinahanglan. Sama kaniadto ug sa umaabot, dili gayod ako magsamok kaninyo!

Ang Bag-ong Maayong Balita Biblia

⁹ Bisan sa akong kawad-on samtang nakig-uban kaninyo, wala ako mangayo kaninyog hinabang kay ang mga kaigsoonan nga nangabot gikan sa Macedonia nagdala man sa tanan nga akong gikinahanglan. Sama kaniadto ug sa umaabot, dili gayod ako magsamok kaninyo!

2 Mga Taga-Corinto 11:9 Cross References

Nehemias 5:15

Apan ang mga gobernador nga nahauna kanako nahimong problema sa mga tawo, tungod kay nangayo gayod sila sa ilang adlaw-adlaw nga pagkaon ug bino, wala pay labot sa 40 kabuok nga pilak. Apil ang ilang mga opisyal nag-abuso sa mga tawo. Apan wala ko gayod kadto himoa tungod sa akong pagtahod sa Dios.

Mga Buhat 18:3

Ug tungod kay susama sila kaniya nga tighimo ug tolda, didto siya midayon sa ila ug nag-uban sila sa pagtrabaho.

Mga Buhat 18:5

Sa pag-abot ni Silas ug ni Timoteo gikan sa Macedonia, gigamit ni Pablo ang tibuok niyang panahon sa pagwali sa pulong sa Dios. Nagpamatuod siya sa mga Judio nga si Jesus mao gayod ang Mesiyas.

Mga Buhat 20:33

Wala ako mangandoy sa inyong mga kuwarta ug mga bisti.

Roma 15:26

Kay ang mga tumutuo sa Macedonia ug Acaya nagbuluntaryo sa paghatag ug hinabang alang sa mga tumutuo nga kabos didto sa Jerusalem.

1 Mga Taga-Corinto 16:17

Nalipay gayod ako sa pag-anhi nilang Estefanas, Fortunato, ug Acaico. Kay bisan wala kamo, ania sila puli kaninyo.

2 Mga Taga-Corinto 6:4

Sa tanan namong gibuhat gipakita namo nga kami mga alagad gayod sa Dios. Bisan labihan kalisod ang among mga nasinati, giantos gayod namo.

2 Mga Taga-Corinto 9:12

Tungod sa inyong paghatag, dili lang matabangan ang mga katawhan sa Dios sa ilang mga panginahanglan, kondili pinaagi pud niini daghan ang magpasalamat sa Dios.

Mga Taga-Filipos 2:25

Nahuna-huna ko nga kinahanglan pabalikon ko diha sa inyo ang atong igsoon nga si Epafrodito nga inyong gisugo aron sa pagtabang kanako. Sama siya kanako nga alagad ug kauban nga sundalo sa Dios.

1 Mga Taga-Tesalonica 2:6

Wala usab kami magpaabot ug pagdayeg gikan sa mga tawo, gikan kaninyo o kang bisan kinsa.

1 Mga Taga-Tesalonica 2:9

Makahinumdom usab kamo mga igsoon nga labihan gayod ang among paghago sa diha pa kami uban kaninyo. Kay sa dihang nagsangyaw kami kaninyo sa Maayong Balita sa Dios, adlaw ug gabii kaming nagtrabaho aron dili kamo mabug-atan sa pag-atiman kanamo.

Mga Hebreo 11:37

Ang uban gibato hangtod nga namatay, ang uban gigabas hangtod naputol, ug ang uban pa gayod gipamatay pinaagi sa espada. Ang uban kanila nagbisti na lang ug panit sa karnero ug kanding. Labihan sila kakabos, ug gilutos ug gipasipad-an sa mga tawo.