2 Mga Taga-Corinto 10:12 - Ang Pulong sa Dios

¹² Dili kami mangahas nga itandi o ipakasama ang among kaugalingon sa uban diha nga labihan ang pagdayeg sa ilang kaugalingon. Mga wala silay buot, kay nagpalabwanay sila ug nanagtandiay sa ilang kaugalingon nga kaayo.

Ang Biblia 2011

¹² Dili ingon nga kami nangahas sa pagpakig-ingon o sa pagpakigtandi kanila nga nagdayeg sa ilang kaugalingon, apan sila nga nagsinukdanay sa ilang kaugalingon ug nagtinandiay sa ilang kaugalingon—sila dili maalamon.

Maayong Balita Biblia

¹² Hinuon, dili kami mangahas aron ilhon o itandi ang among kaugalingon niadtong naghunahuna nga labaw sila. Pagkabuang gayod nila! Naghimo silag ilang kaugalingong mga sukdanan aron pagsukod ug paghukom sa ilang kaugalingon!

Ang Bag-ong Maayong Balita Biblia

¹² Hinuon, dili kami mangahas aron ilhon o itandi ang among kaugalingon niadtong naghunahuna nga labaw sila. Pagkabuang gayod nila! Naghimo silag ilang kaugalingong mga sukdanan aron pagsukod ug paghukom sa ilang kaugalingon!

2 Mga Taga-Corinto 10:12 Cross References

Job 12:2

“Nagtuo kamo nga kamo ray maalamon, ug kon mamatay kamo, uban kaninyo nga mamatay ang kaalam!

Mga Panultihon 25:27

Dili maayo ang sobra nga pagkaon ug dugos, mao usab ang pagtinguha nga dayegon ka kanunay sa mga tawo.

Mga Panultihon 26:12

Adunay paglaom pa alang sa tawong buang-buang kaysa tawong naghuna-huna nga kunohay maalamon siya.

Mga Panultihon 27:2

Ayaw dayega ang imong kaugalingon; pasagdi nga ang uban maoy modayeg kanimo.

Lucas 18:11

Mitindog ang Pariseo ug nag-ampo mahitungod sa iyang kaugalingon ug sama niini, ‘Dios ko, mapasalamaton ako kanimo nga dili ako sama sa uban nga mga tawo, mga mangingilad, limbongan, babaero, ug dili usab ako sama nianang maniningil ug buhis.

Roma 15:18

Ug wala akoy lain nga ikapasigarbo kondili ang mga gibuhat ni Cristo pinaagi kanako, nga ang mga dili Judio nagsunod na kaniya pinaagi sa akong mga pagtudlo ug mga binuhatan,

2 Mga Taga-Corinto 10:11

Angay masayod ang mga nagsulti niana nga kon unsay among giingon sa sulat, mao pud kana ang among buhaton kon anaa na kami diha.

2 Mga Taga-Corinto 10:18

Kay ang Ginoo dili malipay sa tawo nga gadayeg sa iyang kaugalingon, kondili sa tawo nga iyang gidayeg.

2 Mga Taga-Corinto 3:1

Basin maghuna-huna kamo nga gidayeg na pud namo ang among kaugalingon. Dili kami sama sa uban nga nagkinahanglan pa ug mga sulat sa pagpaila aron dawaton ninyo, ug unya mangayo na pud kaninyo ug laing sulat sa pagpaila aron dawaton sila sa laing lugar.

2 Mga Taga-Corinto 5:12

Kini dili sa pagdayeg na usab sa among kaugalingon, kondili buot lang namo kamong hatagan ug hinungdan nga ikapasigarbo ninyo kami, aron aduna pud kamoy ikatubag sa mga tawo nga gadayeg lang sa mga butang nga makita ug dili ang anaa sa kasing-kasing.