2 Mga Taga-Corinto 10:11 - Ang Pulong sa Dios

¹¹ Angay masayod ang mga nagsulti niana nga kon unsay among giingon sa sulat, mao pud kana ang among buhaton kon anaa na kami diha.

Ang Biblia 2011

¹¹ Pasabta ang maong mga tawo nga unsa gani ang among giingon pinaagi sa sulat sa wala kami diha, mao usab kana ang among buhaton inig-anha namo.

Maayong Balita Biblia

¹¹ Angay masayod kining mga tawhana nga walay kalainan ang gisulat namo kon kami atua sa layo ug sa buhaton namo kon kami uban kaninyo.

Ang Bag-ong Maayong Balita Biblia

¹¹ Angay masayod kining mga tawhana nga walay kalainan ang gisulat namo kon kami atua sa layo ug sa buhaton namo kon kami uban kaninyo.

2 Mga Taga-Corinto 10:11 Cross References

2 Mga Taga-Corinto 10:10

Kay ang uban diha kaninyo nag-ingon nga isog lang ako kon sa sulat, apan kon nag-atubang na gani huyang ako ug walay bili ang akong mga gipanulti.

2 Mga Taga-Corinto 10:12

Dili kami mangahas nga itandi o ipakasama ang among kaugalingon sa uban diha nga labihan ang pagdayeg sa ilang kaugalingon. Mga wala silay buot, kay nagpalabwanay sila ug nanagtandiay sa ilang kaugalingon nga kaayo.

2 Mga Taga-Corinto 12:20

Nahadlok ako, kay basin kon sa pag-abot ko diha, makita ko nga ang inyong gibuhat lahi kaysa akong gipaabot kaninyo. Ug kon mahitabo kana, makita pud ninyo nga lahi ako kaysa inyong gipaabot kanako. Nahadlok ako, kay basin kon maabtan ko kamo nga nag-inawayay, nagsinahay, nagsinuk-anay, naghinakog, naglinibakay, nagtabi-tabi, nagpasigarbo, ug nagkagubot.

2 Mga Taga-Corinto 13:10

Ang hinungdan nga nagsulat ako niini kaninyo samtang wala pa ako diha aron nga sa pag-anha ko, dili na kinahanglan nga mosulti pa akog masakit agig paggamit sa akong katungod. Kay gihatag kanako sa Dios kini nga katungod aron lig-onon kamo, ug dili aron gub-on.