1 Samuel 31:1 - Ang Pulong sa Dios

¹ Unya, nakig-gira ang mga Filistihanon sa mga Israelinhon sa Bukid sa Gilboa. Daghan ang namatay sa mga Israelinhon ug ang uban kanila nangikyas.

Ang Biblia 2011

¹ Ang mga Filistihanon nakiggubat batok sa Israel, ug ang mga tawo sa Israel nanagan gikan sa atubangan sa mga Filistihanon, ug gipamatay didto sa bukid sa Gilboa.

Maayong Balita Biblia

¹ Niining higayona naggubat ang mga Filistihanon ug ang Israel didto sa bukid sa Gilboa ug gibuntog sa mga Filistihanon ang mga taga-Israel ug gipamatay sila ug ang uban kanila nanagan.

Ang Bag-ong Maayong Balita Biblia

¹ Niining higayona naggubat ang mga Filistihanon ug ang Israel didto sa bukid sa Gilboa ug gibuntog sa mga Filistihanon ang mga taga-Israel ug gipamatay sila ug ang uban kanila nanagan.

1 Samuel 31:1 Cross References

2 Samuel 1:21

Hinaut nga dili ulanon o yamogan ang kabukiran sa Gilboa, ug hinaut nga walay moturok nga mga tanom sa iyang mga uma nga makuhaan ug abot alang sa halad. Kay didto nahugawan ang taming sa isog nga hari nga si Saulo, ug dili na mahinloan ug mapasinaw pinaagi sa pagpahid ug lana.

2 Samuel 1:6

Mitubag ang batan-ong lalaki, “Naatol nga didto ako sa Bukid sa Gilboa, ug nakita ko didto si Saulo nga nagsandig sa iyang bangkaw. Duol na kaayo kaniya ang mga kaaway nga nagkabayo ug nagsakay ug mga karwahi.

2 Samuel 4:4

(Ang anak ni Saulo nga si Jonatan adunay anak nga bakol. Ang iyang ngalan si Mefiboset. Nag-edad si Mefiboset ug lima ka tuig sa dihang namatay si Saulo ug si Jonatan didto sa Jezreel. Sa dihang nabalitaan sa yaya ni Mefiboset nga namatay si Saulo ug si Jonatan, gisakwat niya ang bata ug giikyas. Apan tungod sa pagdali-dali sa yaya nga makaikyas, nabuhian niya ang bata nga maoy hinungdan nga nabakol kini.)

1 Samuel 12:25

Apan kon magpadayon kamo sa pagpakasala, kamo ug ang inyong hari laglagon.”

1 Samuel 28:1

Niadtong mga panahona gitigom sa mga Filistihanon ang ilang mga sundalo aron sa pagpakig-gira sa mga Israelinhon. Miingon si Akish kang David, “Ikaw ug ang imong mga tawo kinahanglang mouban kanamo sa pagpakig-gira.”

1 Samuel 28:15

Miingon si Samuel kang Saulo, “Nganong gisamok mo ako pinaagi sa pagtawag kanako?” Miingon si Saulo, “Aduna akoy dako nga problema. Nakig-gira kanako ang mga Filistihanon ug gitalikdan na ako sa Dios. Wala na niya ako tubaga, bisag pinaagi sa mga propeta o mga damgo. Busa gipatawag ka nako aron sultihan mo ako kon unsa ang akong himuon.”

1 Samuel 28:19

Ugma itugyan ikaw niya ug ang mga Israelinhon ngadto sa mga Filistihanon, ug ikauban ka nako ug ang imong mga anak nga lalaki sa dapit sa mga patay.”

1 Samuel 28:4

Unya, nagkampo ang mga Filistihanon didto sa Shunem, ug nagkampo usab si Saulo ug ang mga Israelinhon didto sa Gilboa.

1 Samuel 29:1

Unya gitigom sa mga Filistihanon ang tanan nilang sundalo didto sa Afek, ug ang mga Israelinhon nagkampo dapit sa tuboran sa Jezreel.