1 Samuel 30:12 - Ang Pulong sa Dios

¹² ug usa ka hakop nga binulad nga igos ug duha ka hakop nga pasas, tungod kay wala gayod siya makakaon o makainom sulod sa tulo ka adlaw. Pagkahuman niya ug kaon, mibaskog siya.

Ang Biblia 2011

¹² Gihatagan nila siya ug usa ka torta nga gikan sa igera ug duha ka pungpong nga paras. Ug sa nakakaon na siya, naulian ang iyang espiritu kay wala man siya makakaon ug pan o makainom ug tubig sulod sa tulo ka adlaw ug tulo ka gabii.

Maayong Balita Biblia

¹² Gihatagan nila siyag usa ka buok torta nga hinimo gikan sa bunga sa igera ug duha ka pungpong nga ubas. Human siya makakaon, naulian siya kay wala diay siya makakaon ug makainom sulod sa tulo ka adlaw ug tulo ka gabii.

Ang Bag-ong Maayong Balita Biblia

¹² Gihatagan nila siyag usa ka buok torta nga hinimo gikan sa bunga sa igera ug duha ka pungpong nga ubas. Human siya makakaon, naulian siya kay wala diay siya makakaon ug makainom sulod sa tulo ka adlaw ug tulo ka gabii.

1 Samuel 30:12 Cross References

Ester 4:16

“Lakaw, ug tigoma ang tanang Judio dinhi sa Susa ug pagpuasa kamo alang kanako. Ayaw kamo pagkaon o pag-inom adlaw ug gabii sulod sa tulo ka adlaw. Magpuasa usab ako ug ang akong mga sulugoong babaye. Pagkahuman, moadto ako sa hari bisan pa ug nahisupak kini sa balaod. Bahala na kon patyon ako.”

Mga Pagbangotan 1:11

Ang iyang katawhan nag-agulo samtang nangita ug pagkaon. Gipabaylohan nilag pagkaon ang ilang mga bahandi aron padayon silang mabuhi. Miingon ang Jerusalem, “O Ginoo, tan-awa ako, kay gipakaulawan ako.”

Jonas 1:17

Nagpadala ang  Ginoo ug dako nga isda sa paglamoy kang Jonas, ug didto siya sa tiyan sa isda sulod sa tulo ka adlaw ug tulo ka gabii.

Mateo 27:63

Miingon sila, “Halangdon nga Gobernador, nahinumdom kami nga sa buhi pa kadtong tigpahisalaag, miingon siya nga mabanhaw kuno siya paglabay sa tulo ka adlaw.

Mga Maghuhukom 15:19

Unya gipatubod sa Dios ang tubig gikan sa usa ka bangag sa yuta didto sa Lehi. Miinom si Samson ug mibalik ang iyang kusog. Busa gitawag niya kadtong tuboran ug En Hakore. Anaa pa kini sa Lehi hangtod karon.

1 Samuel 14:27

Apan wala makadungog si Jonatan sa gipanumpa sa iyang amahan nga angay tumanon sa mga tawo. Busa gituslob niya ang tumoy sa iyang baston sa dugos ug mikaon siya, ug miarang-arang ang iyang pamati.

1 Samuel 30:11

Unya, adunay nakita ang mga tawo ni David nga usa ka Ehiptohanon sa uma, ug gidala nila kini kang David. Gihatagan nila kinig tubig ug pan,

1 Samuel 30:13

Gipangutana siya ni David, “Kinsa ang imong agalon ug taga-asa ka?” Mitubag siya, “Usa ako ka Ehiptohanon ug ulipon ako sa usa ka Amalekanhon. Gipasagdan ako sa akong agalon tulo na ka adlaw ang milabay, tungod kay nagsakit ako.