1 Samuel 28:9 - Ang Pulong sa Dios

⁹ Apan miingon ang babaye kaniya, “Unsa, gusto mo ba nga mamatay ako? Nahibaloan mo man tingali kon unsa ang gihimo ni Saulo. Giabog niya gikan sa Israel ang mga espiritista apil na ang mga nakig-istorya sa kalag sa patay. Busa ayaw ibutang sa kakuyaw ang akong kinabuhi.”

Ang Biblia 2011

⁹ Ug ang babaye miingon kaniya, “Sa pagkatinuod ikaw nahibalo kon unsay gibuhat ni Saul, giunsa niya pagpapahawa ang mga tigpakisayod ug mga espiritu ug ang mga tigsalamangka gikan sa yuta. Busa ngano man nga nagbutang ikaw ug usa ka lit-ag alang sa akong kinabuhi, aron sa pagpatay kanako?”

Maayong Balita Biblia

⁹ Miingon kaniya ang babaye, “Nasayod ka tingali sa gibuhat ni Saul. Gipapatay niya ang mga tigkonsulta ug mga espiritu ug ang mga salamangkero sa Israel. Nganong inyo man akong laangon aron ipapatay?”

Ang Bag-ong Maayong Balita Biblia

⁹ Miingon kaniya ang babaye, “Nasayod ka tingali sa gibuhat ni Saul. Gipapatay niya ang mga tigkonsulta ug mga espiritu ug ang mga salamangkero sa Israel. Nganong inyo man akong laangon aron ipapatay?”

1 Samuel 28:9 Cross References

2 Samuel 18:13

Ug bisan pa kon ibutang ko sa kakuyaw ang akong kinabuhi pinaagi sa pagpatay kang Absalom, mahibaloan gihapon kini sa hari, ug dili mo ako labanan.”

2 Mga Hari 5:7

Pagkabasa sa hari sa Israel sa sulat, gigisi niya ang iyang bisti ug miingon, “Nganong gipadala niya kanako kining tawo aron ayohon sa iyang sakit sa panit? Unsa ako, Dios? Adunay gahom ba ako sa pagpatay ug sa pagbuhi? Nangita lang siya ug hinungdan nga magkaaway kami!”

Levitico 19:31

“ ‘Ayaw kamo pagdangop sa mga espiritista ug niadtong mga nakigsulti sa kalag sa patay, kay kon himuon ninyo kini isipon kamo nga hugaw. Ako mao ang Ginoo nga inyong Dios.

1 Samuel 28:10

Nanumpa si Saulo kaniya, “Sa ngalan sa buhi nga Ginoo, dili ka gayod silotan sa paghimo niini.”

1 Samuel 28:3

Patay na niadtong panahona si Samuel. Sa dihang namatay siya, nagsubo ang tanang taga-Israel alang kaniya, ug gilubong nila siya sa iyang lungsod sa Rama. Ug giabog ni Saulo gikan sa Israel ang mga espiritista apil na ang mga nakig-istorya sa kalag sa patay.