1 Samuel 28:8 - Ang Pulong sa Dios

⁸ Busa nagpakaaron-ingnon si Saulo pinaagi sa pagsul-ob ug ordinaryo nga bisti, ug pagkagabii niana miadto siya sa babaye uban sa iyang duha ka tawo. Pag-abot nila, miingon si Saulo sa babaye, “Gusto kong makigsulti sa kalag sa usa ka tawo. Mahimo mo bang tawgon ang iyang kalag?”

Ang Biblia 2011

⁸ Busa si Saul nagtakoban sa iyang kaugalingon ug nagsul-ob sa laing bisti ug miadto, siya ug ang duha ka tawo uban kaniya. Ug sa pagkagabii nangadto sila sa babaye ug siya miingon, “Ipakita kanako ang umaabot pinaagi sa espiritu ug patunghaa alang kanako ang espiritu sa tawo nga akong nganlan.”

Maayong Balita Biblia

⁸ Busa nagtakuban si Saul ug nagsul-ob siyag laing bisti. Sa pagkagabii, miadto siya sa Endor kinuyogan ug duha ka lalaki. Miadto sila sa tigkonsulta ug mga espiritu ug giingnan niya, “Ipakita kanako ang umaabot pinaagi sa usa ka espiritu ug paduola kanako ang espiritu sa tawo nga akong hinganlan.”

Ang Bag-ong Maayong Balita Biblia

⁸ Busa nagtakuban si Saul ug nagsul-ob siyag laing bisti. Sa pagkagabii, miadto siya sa Endor kinuyogan ug duha ka lalaki. Miadto sila sa tigkonsulta ug mga espiritu ug giingnan niya, “Ipakita kanako ang umaabot pinaagi sa usa ka espiritu ug paduola kanako ang espiritu sa tawo nga akong hinganlan.”

1 Samuel 28:8 Cross References

1 Mga Hari 22:30

Miingon si Ahab kang Jehosafat, “Sa panahon sa gira, magpakaaron-ingnon ako nga dili hari, apan ikaw, magsul-ob ka sa imong harianong bisti.” Busa nagpakaaron-ingnon si Ahab, ug miadto sila sa gira.

1 Mga Hari 22:34

Apan adunay usa ka Aramehanon nga nanaghap nga namana ug naigo niya si Ahab sa bahin sa iyang lawas diin mag-abot ang mga panagang sa lawas nga iyang gisul-ob. Miingon si Ahab sa nagdala sa iyang karwahi, “Ipahilayo ako sa away kay nasamdan ako!”

1 Cronicas 10:13

Namatay si Saulo kay wala siya nagmatinumanon sa Ginoo. Wala niya tumana ang sugo sa Ginoo, ug midangop siya sa mga espiritista

2 Cronicas 18:29

Miingon si Ahab kang Jehosafat, “Sa panahon sa gira, magpakaaron-ingnon ako nga dili hari, apan ikaw, magsul-ob ka sa imong harianong bisti.” Busa nagpakaaron-ingnon si Ahab, ug miadto sila sa gira.

2 Cronicas 35:22

Apan wala mosibog si Josia. Nagpakaaron-ingnon hinuon siya aron makig-gira kang Neco. Wala siya mamati sa pulong sa Dios nga gisulti pinaagi kang Neco. Miadto siya sa patag sa Megido ug nakig-gira.

Isaias 8:19

Kon adunay moingon kaninyo nga magpakisayod kamo gikan sa mga patay pinaagi sa mga babaylan ug espiritista, ayaw ninyo kini buhata. Kini sila gayam-yam lang. Pangutana kamo sa inyong Dios. Nganong mangutana man kamo sa mga patay bahin sa mga buhi?

Jeremias 23:24

Walay tawo nga makatago sa sekretong dapit nga dili ko makita. Wala ba kamo masayod nga anaa ako bisan asa sa langit ug sa yuta? Ako, ang  Ginoo, ang nag-ingon niini.

Ezequiel 12:6

Samtang nagtan-aw sila, pas-ana ang imo nga dala ug lakaw sa kagabhion. Panabon sa imo nga nawong aron dili mo makita ang yuta. Kini nga imo nga himuon magpadayag sa usa ka pasidaan alang sa katawhan sa Israel.”

Juan 3:19

Silotan sila tungod kay mianhi siya dinhi sa kalibotan isip suga, apan gipalabi pa sa mga tawo ang pagpabilin sa kangitngit kaysa moduol kaniya nga naghatag sa kahayag, tungod kay daotan ang ilang binuhatan.