1 Samuel 28:16 - Ang Pulong sa Dios

¹⁶ Miingon si Samuel, “Nganong mangutana ka pa kanako? Dili ba gitalikdan ka na man sa Ginoo ug nahimong iyang kaaway?

Ang Biblia 2011

¹⁶ Ug si Samuel miingon, “Unya nganong mangutana pa man ikaw kanako, nga ang Ginoo mibiya na man kanimo ug nahimo nga imong kaaway?

Maayong Balita Biblia

¹⁶ Ug si Samuel miingon, “Nganong mangutana ka pa man kanako nga gibiyaan ka na man sa Ginoo ug nahimong kaaway niya?

Ang Bag-ong Maayong Balita Biblia

¹⁶ Ug si Samuel miingon, “Nganong mangutana ka pa man kanako nga gibiyaan ka na man sa Ginoo ug nahimong kaaway niya?

1 Samuel 28:16 Cross References

2 Mga Hari 6:27

Mitubag ang hari, “Kon dili motabang ang Ginoo kanimo unsay akong mahimo? Wala na akoy trigo o ilimnon nga ikahatag kanimo.”

Mga Pagbangotan 2:4

Gipunting niya ang iyang pana sa iyang katawhan, nga daw siya ilang kaaway. Gipamatay niya ang tanang gimahal sa iyang katawhan. Gipatagamtam niya sa mga lumulupyo sa Jerusalem ang iyang labihan nga kasuko nga daw sa kalayo.

Mga Pagbangotan 2:5

Sama sa usa ka kaaway, gilaglag sa Ginoo ang Israel. Giguba niya ang pinarilan nga mga lungsod sa Israel ug ang tanang lig-ong bahin niini. Gidugangan niya ang kasubo ug panaghilak sa Juda.

Gipadayag 18:20

“Busa kamong tanan nga anaa sa langit, paglipay kamo tungod sa nahitabo niadtong siyudad. Paglipay usab kamong mga propeta, mga apostoles, ug mga katawhan sa Dios, tungod kay gihukman na siya sa Dios sa iyang gipangbuhat kaninyo!”

Gipadayag 18:24

Ug dili kay kana lang, sila usab ang sad-an sa pagpatay sa mga propeta, sa mga katawhan sa Dios, ug ingon man niadtong tanang mga tawo nga gipamatay sa tibuok kalibotan.”

Mga Maghuhukom 5:31

“Busa Ginoo, hinaut nga malaglag ang imong mga kaaway. Apan hinaut nga ang mga naghigugma kanimo mahisama sa adlaw nga nagsidlak pag-ayo.” Ug ang mga Israelinhon nagkinabuhi nga malinawon sulod sa 40 ka tuig.

1 Samuel 28:15

Miingon si Samuel kang Saulo, “Nganong gisamok mo ako pinaagi sa pagtawag kanako?” Miingon si Saulo, “Aduna akoy dako nga problema. Nakig-gira kanako ang mga Filistihanon ug gitalikdan na ako sa Dios. Wala na niya ako tubaga, bisag pinaagi sa mga propeta o mga damgo. Busa gipatawag ka nako aron sultihan mo ako kon unsa ang akong himuon.”

1 Samuel 28:17

Gituman sa Ginoo ang iyang giingon pinaagi kanako. Gikuha niya ang gingharian sa Israel gikan kanimo ug gihatag sa sama kanimo nga Israelinhon nga mao si David.