1 Samuel 28:12 - Ang Pulong sa Dios

¹² Ug sa dihang nakita sa babaye si Samuel, misinggit siyag kusog kaayo ug miingon kang Saulo, “Nganong gilingla mo ako? Ikaw man diay si Saulo!”

Ang Biblia 2011

¹² Sa pagkakita sa babaye kang Samuel, siya misinggit sa usa ka kusog nga tingog ug ang babaye misulti kang Saul, “Nganong naglimbong ikaw kanako? Ikaw mao si Saul.”

Maayong Balita Biblia

¹² Sa pagkakita sa babaye kang Samuel, misiyagit siya ug giingnan niya si Saul, “Nganong gilimbongan mo man ako? Si Saul ka man diay!”

Ang Bag-ong Maayong Balita Biblia

¹² Sa pagkakita sa babaye kang Samuel, misiyagit siya ug giingnan niya si Saul, “Nganong gilimbongan mo man ako? Si Saul ka man diay!”

1 Samuel 28:12 Cross References

Genesis 29:25

Pagkabuntag, nahibaloan ni Jacob nga si Lea diay ang iyang gikadulog. Busa giadtoan niya si Laban ug giingnan, “Nganong gibuhat mo kini kanako? Nangalagad ako kanimo aron mapangasawa ko si Raquel. Nganong gilimbongan mo man ako?”

1 Mga Hari 14:5

Apan miingon ang Ginoo kang Ahia, “Nagpadulong dinhi ang asawa ni Jeroboam nga nagpakaaron-ingnon aron dili siya mailhan. Mangutana siya kanimo mahitungod sa iyang anak nga nagsakit, ug tubagon mo siya sa akong isulti kanimo.”

1 Samuel 28:11

Sa kataposan miingon ang babaye, “Kinsang kalag ang gusto mong akong tawgon?” Miingon si Saulo, “Tawga si Samuel.”

1 Samuel 28:13

Miingon si Saulo kaniya, “Ayaw kahadlok. Unsay imong nakita?” Mitubag ang babaye, “Nakita ko ang usa ka gamhanan nga kalag nga naggawas gikan sa yuta.”

1 Samuel 28:3

Patay na niadtong panahona si Samuel. Sa dihang namatay siya, nagsubo ang tanang taga-Israel alang kaniya, ug gilubong nila siya sa iyang lungsod sa Rama. Ug giabog ni Saulo gikan sa Israel ang mga espiritista apil na ang mga nakig-istorya sa kalag sa patay.