1 Samuel 23:10 - Ang Pulong sa Dios

¹⁰ Unya miingon si David, “O Ginoo, Dios sa Israel, nabalitaan niining imong alagad, nga nagplano si Saulo sa pag-anhi dinhi sa Keila aron sa paglaglag niini nga lungsod tungod kanako.

Ang Biblia 2011

¹⁰ Unya si David miingon, “O Ginoo, Dios sa Israel, ang imong sulugoon, sa pagkatinuod, nakadungog nga si Saul nagtinguha sa pag-anhi sa Keila aron paglaglag sa siyudad tungod kanako.

Maayong Balita Biblia

¹⁰ Unya nag-ampo si David, “O Ginoo, Dios sa Israel, nakabalita ako nga si Saul moanhi sa Kela aron paggun-ob sa lungsod tungod kanako nga imong ulipon.

Ang Bag-ong Maayong Balita Biblia

¹⁰ Unya nag-ampo si David, “O Ginoo, Dios sa Israel, nakabalita ako nga si Saul moanhi sa Kela aron paggun-ob sa lungsod tungod kanako nga imong ulipon.

1 Samuel 23:10 Cross References

Genesis 18:24

Kon pananglit adunay 50 ka tawong matarong niana nga lungsod, laglagon mo ba ang tibuok nga lungsod? Dili mo ba kaluy-an ang lungsod tungod ug alang sa 50 ka mga tawong matarong?

Ester 3:6

Ug pagkahibalo niya nga usa ka Judio si Mordecai, nagplano siya nga dili lang si Mordecai ang iyang ipapatay kondili apil usab ang tanang mga Judio sa tibuok gingharian ni Haring Ahasuerus.

Mga Panultihon 28:15

Ang tawong daotan nga nagdumala sa mga kabos sama sa nagangulob nga liyon o oso nga andam sa pagtukob sa iyang biktima.

1 Samuel 22:19

Gipapatay usab ni Saulo ang tanang nagpuyo sa Nob, ang lungsod sa mga pari: ang mga lalaki, mga babaye, mga kabataan apil ang mga masuso, mga baka, mga asno, mga karnero, ug mga kanding.

1 Samuel 23:11

Moanhi ba dinhi si Saulo sumala sa akong nadunggan? Itugyan ba ako sa mga lumulupyo sa Keila ngadto kang Saulo? O Ginoo, Dios sa Israel, sultihi kining imong alagad.” Mitubag ang Ginoo, “Oo, moanha siya sa Keila.”

1 Samuel 23:8

Unya gitigom ni Saulo ang tanan niyang mga sundalo aron sa pag-adto sa Keila ug sa pagdakop kang David ug sa mga tawo niini.

1 Samuel 23:9

Pagkahibalo ni David sa plano ni Saulo, giingnan niya si Abiatar nga pari sa pagkuha sa efod.