1 Samuel 20:14 - Ang Pulong sa Dios

¹⁴ Ug hinaut nga samtang buhi pa ako, ipakita mo ang imong pagmahal kanako sama sa pagmahal sa Ginoo kanato. Ug kon patay na ako,

Ang Biblia 2011

¹⁴ Unya kon ako buhi pa, ipakita kanako ang matinud-anong gugma sa Ginoo aron ako dili mamatay.

Maayong Balita Biblia

¹⁴ Unya kon ako buhi pa, ipakita kanako ang matinud-anong gugma sa Ginoo aron dili ako mamatay.

Ang Bag-ong Maayong Balita Biblia

¹⁴ Unya kon ako buhi pa, ipakita kanako ang matinud-anong gugma sa Ginoo aron dili ako mamatay.

1 Samuel 20:14 Cross References

Genesis 40:14

Hinumdomi unya ako kon anaa ka na sa maayo nga kahimtang. Ug isip timaan sa imong kaayo, palihog, sultihi ang hari bahin kanako aron matabangan mo ako nga makagawas dinhi sa prisohan.

2 Samuel 9:1

Usa niana ka adlaw, nangutana si David, “Aduna pa bay nahibilin sa pamilya ni Saulo nga akong mapakitaan ug kaayo tungod ug alang kang Jonatan?”

2 Samuel 9:3

Nangutana ang hari, “Aduna pa bay nahibilin sa pamilya ni Saulo nga akong mapakitaan sa kaayo sa Dios?” Mitubag siya sa hari, “Aduna pa, ang bakol nga anak nga lalaki ni Jonatan.”

1 Samuel 20:13

Apan kon gusto gayod sa akong amahan nga patyon ka, unya dili ka nako pahibaloon aron makaikyas ka, hinaut nga silotan ako sa Ginoo sa labihan gayod. Karon, hinaut nga ubanan ka sa Ginoo sama sa iyang pag-uban kaniadto sa akong amahan.

1 Samuel 20:15

ipadayon mo gihapon ang imong paghigugma sa akong pamilya, bisan patyon pa sa Ginoo ang tanan mong kaaway.”

1 Samuel 20:23

Ug bahin sa atong gipanumpaan, hinumdomi nga ang Ginoo mao ang atong saksi sa walay kataposan.”

1 Samuel 24:21

Karon, ipanumpa kanako sa ngalan sa Ginoo nga dili mo patyon ang akong mga kaliwat, aron dili mawala ang ngalan sa akong pamilya.”