1 Samuel 19:11 - Ang Pulong sa Dios

¹¹ Unya nagpadala si Saulo ug mga tawo aron bantayan ang balay ni David ug patyon kini pagkabuntag. Apan gipahimangnoan si David ni Mical nga iyang asawa, “Kon dili ka moikyas karong gabhiona, ugma patyon ka.”

Ang Biblia 2011

¹¹ Si Saul nagpadala ug mga sinugo ngadto sa balay ni David aron sa pagbantay kaniya ug sa pagpatay kaniya sa pagkabuntag. Apan si Mical nga asawa ni David, misulti kaniya, “Kon dili nimo luwason ang imong kinabuhi karong gabhiona patyon ikaw ugma.”

Maayong Balita Biblia

¹¹ Niadtong gabhiona nagsugo si Saul ug mga tawo aron pagpaniid kang David sa iyang balay aron patyon siya sa pagkabuntag. Apan ang asawa ni David nga si Mical miingon kaniya. “Kon dili ka moikyas karong gabhiona, ugma patyon ka sa akong amahan.”

Ang Bag-ong Maayong Balita Biblia

¹¹ Niadtong gabhiona nagsugo si Saul ug mga tawo aron pagpaniid kang David sa iyang balay aron patyon siya sa pagkabuntag. Apan ang asawa ni David nga si Mical miingon kaniya. “Kon dili ka moikyas karong gabhiona, ugma patyon ka sa akong amahan.”

1 Samuel 19:11 Cross References

2 Samuel 3:13

Mitubag si David, “Sige, maghimo akog kasabotan uban kanimo sa usa ka kondisyon: Sa imong pagpakigkita kanako, dad-on mo ang akong asawa nga si Mical nga anak ni Saulo.”

Mga Maghuhukom 16:2

Nahibaloan sa mga taga-Gaza nga atua didto si Samson, busa gilibotan nila ang lungsod ug tibuok gabii nga gibantayan ang pultahan sa lungsod. Wala silay laing gihimo niadtong gabhiona, tungod kay nagkasabot sila nga patyon nila si Samson nianang pagkabuntag.

1 Samuel 19:20

Busa nagpadala siyag mga tawo aron sa pagdakop kang David. Apan sa pag-abot nila didto, nakita nila ang grupo sa mga propeta nga nagsulti sa mensahe sa Dios, ug si Samuel ang nangulo kanila. Unya gigamhan sa Espiritu sa Dios ang mga tawo ni Saulo ug nagsulti usab sila sa mensahe sa Dios.

1 Samuel 20:31

Samtang buhi si David, dili ka gayod mahimong hari. Karon, ipakuha siya ug dad-a dinhi kanako, kay kinahanglan mamatay siya.”