1 Samuel 18:25 - Ang Pulong sa Dios

²⁵ miingon si Saulo, “Ingna ninyo si David nga ang pangayoon ko lang ingon nga bayad sa pagpakasal niya sa akong anak mao ang panit sa tumoy sa kinatawo sa 100 ka mga Filistihanon, ingon nga akong panimalos ngadto kanila nga akong mga kaaway.” Mao kadto ang plano ni Saulo aron mapatay si David sa mga Filistihanon.

Ang Biblia 2011

²⁵ Unya si Saul miingon, “Kini mao ang isulti ninyo kang David, ‘Ang hari wala magkinahanglan sa bisan unsang bugay, kondili usa ka gatos ka yamis sa mga Filistihanon, aron iyang panimaslan ang mga kaaway sa hari.’ ” Kay si Saul naghunahuna nga mahulog si David sa kamot sa mga Filistihanon.

Maayong Balita Biblia

²⁵ Unya si Saul miingon, “Ingna ninyo si David: ‘Wala magkinahanglan ug bugay ang hari. Ang iyang gipangayo kanimo mao lamang ang 100 ka yamis sa kinatawo sa mga Filistihanon aron makapanimalos siya sa iyang mga kaaway.’” Si Saul nagtuo nga niining paagiha si David mapatay gayod sa mga Filistihanon.

Ang Bag-ong Maayong Balita Biblia

²⁵ Unya si Saul miingon, “Ingna ninyo si David: ‘Wala magkinahanglan ug bugay ang hari. Ang iyang gipangayo kanimo mao lamang ang 100 ka yamis sa kinatawo sa mga Filistihanon aron makapanimalos siya sa iyang mga kaaway.’” Si Saul nagtuo nga niining paagiha si David mapatay gayod sa mga Filistihanon.

1 Samuel 18:25 Cross References

Genesis 29:18

Tungod kay nahigugma si Jacob kang Raquel, miingon siya kang Laban, “Moalagad ako kanimo ug pito ka tuig kon ipaminyo mo kanako si Raquel.”

Genesis 34:12

Kamoy akong pabut-on kon pilay inyong pangayoon ug kon unsay akong igasa. Bayran ko kamo bisag pila basta ipaasawa lang ninyo kanako si Dina.”

2 Samuel 3:14

Unya nagpadala si David ug mga mensahero kang Isboset aron sa pag-ingon, “Ibalik kanako ang akong asawa nga si Mical, kay naasawa ko siya baylo sa 100 ka panit sa tumoy sa kinatawo sa mga Filistihanon.”

Josue 5:3

Busa naghimo si Josue ug mga kutsilyo, ug gipangtuli ang mga Israelinhon didto sa Bungtod sa Gitulian.

1 Samuel 14:24

Niadtong adlawa, naluya ang mga Israelinhon sa kagutom kay nanumpa si Saulo nga nag-ingon, “Tinunglo ang si bisan kinsa nga mokaon sa dili pa mogabii, sa dili pa ako makapanimalos batok sa akong mga kaaway.” Busa wala gayoy mikaon kanila.

1 Samuel 17:26

Nangutana si David sa mga tawo nga nagtindog duol kaniya, “Kinsa ba gayod kanang Filistihanon, nga wala nakaila sa Dios, nga nanghagit sa mga sundalo sa buhi nga Dios? Ug unsa ang madawat sa tawo nga makapatay kaniya aron maundang ang iyang pagpakaulaw sa Israel?”

1 Samuel 17:36

Nahimo ko kini sa liyon ug sa oso, ug himuon ko usab nianang Filistihanon nga wala nakaila sa Dios, tungod kay gihagit niya ang mga sundalo sa buhi nga Dios.

1 Samuel 18:17

Usa niana ka higayon, miingon si Saulo kang David, “Andam ako nga ipaasawa kanimo ang akong kamagulangang anak nga si Merab sa kondisyon nga mag-alagad ka kanako nga maisogon ug makig-gira alang sa Ginoo.” Naghuna-huna si Saulo nga pinaagi niini mapatay si David sa mga Filistihanon, ug dili na kinahanglan nga siya pa ang mopatay niini.

1 Samuel 18:24

Sa dihang gisultihan nila si Saulo sa giingon ni David,

1 Samuel 19:1

Unya, gisugo ni Saulo si Jonatan ug ang tanan niyang alagad nga patyon si David. Apan gimahal gayod ni Jonatan si David,