1 Samuel 18:19 - Ang Pulong sa Dios

¹⁹ Sa pag-abot sa panahon nga ipakasal na si Merab kang David, gipaasawa hinuon ni Saulo si Merab kang Adriel nga taga-Mehola.

Ang Biblia 2011

¹⁹ Apan niadtong panahona sa dihang si Merab nga anak ni Saul ihatag na unta ngadto kang David, gihatag siya kang Adriel nga taga-Mehola aron ipaasawa.

Maayong Balita Biblia

¹⁹ Apan sa pag-abot sa panahon nga si Merab ipaasawa na unta kang David, gipaasawa hinuon siya kang Adriel nga taga-Mehola.

Ang Bag-ong Maayong Balita Biblia

¹⁹ Apan sa pag-abot sa panahon nga si Merab ipaasawa na unta kang David, gipaasawa hinuon siya kang Adriel nga taga-Mehola.

1 Samuel 18:19 Cross References

2 Samuel 21:8

Ang gitugyan ni David mao ang duha ka anak ni Saulo nga si Armoni ug si Mefiboset, nga ang ilang inahan mao si Rizpa nga anak ni Aya. Gitugyan usab ni David ang lima ka anak nga lalaki ni Merab. Si Merab anak ni Saulo ug asawa ni Adriel nga anak ni Barzilai nga taga-Mehola.

1 Mga Hari 19:16

Dihogi usab si Jehu nga anak ni Nimshi ingon nga hari sa Israel, ug si Eliseo nga anak ni Shafat, nga taga-Abel Mehola, nga mopuli kanimo ingon nga propeta. Pamatyon ni Hazael ang mga nagsimba kang Baal.

1 Mga Hari 4:12

Si Baana nga anak ni Ahilud, ang gobernador sa Taanak, Megido, sa tibuok Bet Shan duol sa Zaretan sa ubos sa Jezreel, ug sa mga dapit gikan sa Bet Shan paingon sa Abel Mehola sa tabok sa Jokmeam.

Mga Maghuhukom 14:20

Unya ang iyang asawa gihatag ngadto sa lalaki nga nahimong abay sa ilang kasal.

Mga Maghuhukom 7:22

Ug sa dihang gipatingog sa 300 ka mga Israelinhon ang ilang mga budyong, gipaunay sa Ginoo ug away ang mga tawo sulod sa kampo. Nag-iyahay sila ug pangikyas ngadto sa Bet Shita paingon sa Zerera hangtod sa utlanan sa Abel Mehola, duol sa Tabat.