1 Samuel 15:32 - Ang Pulong sa Dios

³² Unya, miingon si Samuel, “Dad-a dinhi kanako si Agag nga hari sa mga Amalekanhon.” Miduol si Agag kang Samuel nga wala gayod magpakitag kahadlok kay nagtuo siya nga dili na siya patyon.

Ang Biblia 2011

³² Unya si Samuel miingon, “Dad-a ninyo dinhi kanako si Agag nga hari sa mga Amalekanhon.” Ug si Agag miadto kaniya nga malipayon. Ug si Agag miingon, “Sa pagkatinuod ang kapait sa kamatayon miagi na.”

Maayong Balita Biblia

³² Unya si Samuel miingon, “Dad-a ninyo nganhi kanako si Agag, ang hari sa mga Amalekanhon.” Malipayong miduol kaniya si Agag ug miingon, “Nagtuo ako nga dili na nila ako patyon.”

Ang Bag-ong Maayong Balita Biblia

³² Unya si Samuel miingon, “Dad-a ninyo nganhi kanako si Agag, ang hari sa mga Amalekanhon.” Malipayong miduol kaniya si Agag ug miingon, “Nagtuo ako nga dili na nila ako patyon.”

1 Samuel 15:32 Cross References

Jeremias 48:44

Ang moikyas sa kalisang mahulog sa bung-aw. Ang makagawas sa bung-aw, malit-agan, kay silotan ko gayod ang Moab sa gitakda nga panahon. Ako, ang  Ginoo, ang nag-ingon niini.

Oseas 6:5

Busa gipahimangnoan ko kamo pinaagi sa akong mga propeta nga malaglag kamo ug mangamatay. Ipadayag ko ang akong paghukom kaninyo sama kahayag sa adlaw.

1 Mga Taga-Tesalonica 5:3

Mahitabo kini samtang ang mga wala motuo moingon, “Malinawon ang tanan ug walay katalagman.” Apan sa kalit lang moabot kanila ang kalaglagan, sama sa babayeng nagbati, ug wala gayoy makaikyas kanila.

Josue 10:22

Unya, mimando si Josue, “Ablihi ninyo ang langub ug dad-a dinhi kanako ang lima ka mga hari.”

Gipadayag 18:7

Kon giunsa niya pagpasigarbo ug pagpatuyang sa iyang bahandi, mao usab ang ibalos nga kalisod ug kasubo kaniya. Nagtuo siya nga rayna siya ug dili gayod magsubo sama sa mga biyuda.

Mga Maghuhukom 8:11

Mitungas sila si Gideon agi sa dapit sa mga tawo nga nagpuyo sa tolda, sa sidlakang bahin sa Noba ug Jogbeha, ug gipakalitan nilag sulong ang ilang mga kaaway.

1 Samuel 15:31

Busa miuban si Samuel kang Saulo, ug misimba si Saulo sa Ginoo.

1 Samuel 15:33

Apan miingon si Samuel, “Maingon nga daghang mga inahan ang nawad-an ug mga anak tungod sa imong pagpamatay, maingon usab nga ang imong inahan mawad-an ug anak.” Ug gipatay ni Samuel si Agag sa presensya sa Ginoo didto sa Gilgal.