1 Samuel 15:14 - Ang Pulong sa Dios

¹⁴ Apan miingon si Samuel, “Kon tinuod nga gituman mo ang mga sugo sa Ginoo, nganong adunay mga karnero ug mga baka nga nagtingog nga nadungog ko?”

Ang Biblia 2011

¹⁴ Ug si Samuel miingon, “Unsay kahulogan niining pagtiyabaw sa mga karnero sa akong mga igdulungog ug ang pag-inga sa mga baka nga akong nadungog?”

Maayong Balita Biblia

¹⁴ Apan si Samuel nangutana, “Nganong aduna may mga karnero ug mga baka nga nagtingog?”

Ang Bag-ong Maayong Balita Biblia

¹⁴ Apan si Samuel nangutana, “Nganong aduna may mga karnero ug mga baka nga nagtingog?”

1 Samuel 15:14 Cross References

Salmo 36:2

Tungod kay taas ang iyang pagtan-aw sa iyang kaugalingon, dili niya makita ang iyang kadaotan aron kasilagan unta kini.

Exodo 32:21

Miingon si Moises kang Aaron, “Unsa bay gihimo niining mga tawhana kanimo nga gitugotan mo man sila sa pagpakasala sa hilabihan?”

Lucas 19:22

“Miingon ang hari kaniya, ‘Wala kay pulos nga sulugoon! Ang imong gisulti mao usab ang akong gamiton sa pagsentensya kanimo. Nahibaloan mo nga estrikto ako ug nanguha sa ginansya nga gihagoan sa uban, ug nanguha usab ako sa ani bisan dili ako ang nagtanom.

Roma 3:19

Karon, nasayran nato nga ang tanang giingon sa Kasugoan alang kanato nga mga Judio nga nagkinabuhi ilalom sa Kasugoan. Busa dili kita makaingon nga dili kita silotan. Ang tanan manubag sa Dios tungod sa ilang mga sala.

1 Mga Taga-Corinto 4:5

Busa ayaw kamo paghukom sa dili pa moabot ang husto nga panahon. Hulata ninyo ang pag-abot sa Ginoo. Sa iyang pag-abot, ipadayag niya ang mga sekreto ug mga motibo sa kada usa. Ug niana usab nga panahon, madawat sa matag-usa ang pagdayeg gikan sa Dios.

1 Samuel 15:15

Mitubag si Saulo, “Mga pinakamaayo kana nga mga karnero ug mga baka nga gidala sa mga sundalo gikan sa mga Amalekanhon. Wala nila kana patya kay ihalad nila sa Ginoo nga imong Dios, apan ang uban gilaglag namo sa hingpit.”