1 Samuel 14:20 - Ang Pulong sa Dios

²⁰ Unya nagtigom si Saulo ug ang iyang mga tawo ug nanglakaw aron sa pagpakig-gira. Nakita nila ang mga Filistihanon nga nagkaguliyang ug nag-unay pagpinatyanay.

Ang Biblia 2011

²⁰ Unya si Saul ug ang tibuok katawhan nga uban kaniya nagtigom ug nangadto sa gubat, ug ang espada sa matag usa batok sa iyang isigkaingon, ug may dakong kaguliyang.

Maayong Balita Biblia

²⁰ Unya si Saul ug ang tanan niyang sakop midasdas ug ang mga Filistihanon nag-unay ug pinatyanay tungod sa dakong kaguliyang.

Ang Bag-ong Maayong Balita Biblia

²⁰ Unya si Saul ug ang tanan niyang sakop midasdas ug ang mga Filistihanon nag-unay ug pinatyanay tungod sa dakong kaguliyang.

1 Samuel 14:20 Cross References

1 Mga Hari 20:21

Mao kadto ang pagsulong ni Ahab nga hari sa Israel. Daghan kaayong mga Aramehanon ang ilang gipamatay, ug gipanguha nila ang mga kabayo ug mga karwahi sa mga Aramehanon.

2 Cronicas 20:23

kay gisulong sa mga Amonihanon ug Moabihanon ang mga sundalo sa mga taga-Bukid sa Seir ug gilaglag sila sa hingpit. Pagkahuman, sila na usab ang nagpinatyanay.

Isaias 19:2

“Paunayon kog away ang mga Ehiptohanon: igsoon batok sa igsoon, silingan batok sa silingan, lungsod batok sa lungsod, ug gingharian batok sa gingharian.

Ezequiel 38:21

Ipapatay ka nako, Gog, didto sa akong mga bukid. Ug ang imo nga mga sundalo magpinatyanay. Ako, ang Ginoong Dios, ang nag-ingon niini.

Mga Maghuhukom 7:22

Ug sa dihang gipatingog sa 300 ka mga Israelinhon ang ilang mga budyong, gipaunay sa Ginoo ug away ang mga tawo sulod sa kampo. Nag-iyahay sila ug pangikyas ngadto sa Bet Shita paingon sa Zerera hangtod sa utlanan sa Abel Mehola, duol sa Tabat.

1 Samuel 14:16

Didto sa Gibea, nga sakop sa Benjamin, nakita sa mga bantay ni Saulo nga ang mga sundalong Filistihanon nagkaguliyang ug nag-iyahay pagpanagan.

1 Samuel 9:16

“Ugma, sa sama niining orasa, paanhaon ko kanimo ang usa ka tawo nga gikan sa dapit sa Benjamin. Dihogi ug lana ang iyang ulo sa pagpaila nga siya ang pangulo sa akong katawhan nga mga Israelinhon. Luwason niya ang akong katawhan gikan sa mga Filistihanon, kay nakita ko ang mga pag-antos sa akong katawhan, ug nadungog ko ang ilang pagpangayo ug tabang.”