1 Samuel 12:20 - Ang Pulong sa Dios

²⁰ Mitubag si Samuel, “Ayaw kamo kahadlok. Bisan pag nakahimo kamo niining daotang butang, ayaw kamo pagtalikod sa Ginoo. Alagari hinuon ninyo siya sa tibuok ninyong kasing-kasing.

Ang Biblia 2011

²⁰ Ug si Samuel miingon sa katawhan, “Ayaw kahadlok, kamo naghimo niining tanang sala apan ayaw kamo pagbiya sa Ginoo, hinuon pag-alagad kamo sa Ginoo sa tibuok ninyong kasingkasing.

Maayong Balita Biblia

²⁰ Ug giingnan ni Samuel ang katawhan, “Ayaw kamo kahadlok. Bisag nahimo ninyo kining salaa, ayaw kamo pagbiya sa Ginoo kondili alagari siya sa bug-os ninyong kasingkasing.

Ang Bag-ong Maayong Balita Biblia

²⁰ Ug giingnan ni Samuel ang katawhan, “Ayaw kamo kahadlok. Bisag nahimo ninyo kining salaa, ayaw kamo pagbiya sa Ginoo kondili alagari siya sa bug-os ninyong kasingkasing.

1 Samuel 12:20 Cross References

1 Cronicas 28:9

“Ug ikaw, Solomon nga akong anak, ilha ug alagari ang Dios sa imong amahan sa tibuok mong kasing-kasing ug huna-huna, kay nakita sa Ginoo ang matag kasing-kasing ug nahibalo siya sa atong motibo ug huna-huna. Kon modangop ka kaniya, tabangan ka niya; apan kon mobiya ka kaniya, isalikway ka niya hangtod sa kahangtoran.

Salmo 101:3

Dili ko tugotan ang kadaotan. Gikasilagan ko pag-ayo ang binuhatan sa mga tawo nga mibiya sa Dios; dili ko gayod buhaton kanang mga butanga.

Salmo 125:5

Apan siloti uban sa mga daotan ang imong mga katawhan nga nagsunod sa daotan. Hinaut nga magmalinawon ang Israel!

Salmo 40:4

Bulahan ang tawo nga nagsalig sa Ginoo, ug dili modangop sa mga garboso nga nagsunod sa bakak.

Exodo 23:25

Simbaha ninyo ako, ang Ginoo nga inyong Dios, ug hatagan ko kamo ug abundansyang pagkaon ug tubig. Walay sakit nga motakboy kaninyo,

Exodo 32:30

Pagkasunod adlaw, miingon si Moises sa mga tawo, “Nakahimo kamog dakong sala. Apan motungas ako karon sa bukid, didto sa Ginoo; basin pag matabangan ko kamo nga mahinloan sa inyong sala.”

Jeremias 3:1

“Kon bulagan sa bana ang iyang asawa ug magminyo ang asawa pag-usab, kinahanglan dili na siya bawion sa iyang bana, kay makapahugaw gayod kini sa tibuok ninyong yuta. Apan kamong mga Israelinhon nagkinabuhi nga sama sa babayeng nagbaligya sa iyang dungog. Daghan kamog mga hinigugma nga dios-dios. Apan bisan pa, gitawag ko gihapon kamo nga mobalik kamo kanako? Ako, ang  Ginoo, ang nag-ingon niini.

Hageo 2:5

‘Mao kini ang akong pakigsaad diha kaninyo dihang miabot kamo gawas sa Ehipto. Ug ang akong Espiritu nagpabilin diha kaninyo. Ayaw kahadlok.’

Deuteronomio 10:12

“Ug karon, katawhan sa Israel, ang gipangayo lang kaninyo sa Ginoo nga inyong Dios mao nga motahod kamo kaniya, magkinabuhi subay sa iyang pamaagi, mahigugma kaniya, mag-alagad kaniya sa tibuok ninyong kasing-kasing ug kalag,

Deuteronomio 11:16

“Pagbantay gayod kamo nga dili kamo madani sa pagbiya sa Dios ug sa pagsimba sa ubang mga dios ug sa pag-alagad niini.

Deuteronomio 31:29

Kay nahibaloan ko nga kon patay na ako, maghimo gayod kamo ug daotan ug isalikway ninyo ang tanan nga gisugo ko kaninyo. Sa umaabot nga mga adlaw, moabot kaninyo ang mga katalagman kay maghimo kamog daotan atubangan sa Ginoo ug pasuk-on ninyo siya pinaagi sa inyong buhat.”

Josue 23:6

“Magpakalig-on kamo, ug paningkamoti gayod nga matuman ninyo ang tanang nasulat sa Libro sa Kasugoan ni Moises. Ayaw gayod ninyo kini lapasa.

1 Pedro 3:16

Tubaga ninyo sila sa malumo nga pamaagi ug adunay pagtahod. Siguroha ninyo nga kanunayng hinlo ang inyong konsensya, aron maulawan ang mga tawo nga nagpakadaotan sa inyong maayo nga mga binuhatan isip mga sumusunod ni Cristo.

1 Samuel 12:19

Miingon sila kang Samuel, “I-ampo sa Ginoo nga imong Dios nga dili kami mangamatay, kay gidugangan namo ang among mga sala pinaagi sa pagpangayo ug hari.”