1 Samuel 12:17 - Ang Pulong sa Dios

¹⁷ Dili ba nga panahon karon sa ting-ani sa trigo ug wala nag-ulan? Apan mag-ampo ako sa Ginoo nga padalogdogon ug paulanon niya. Unya makaamgo kamo kon unsa kadaotan ang inyong gihimo atubangan sa Ginoo sa dihang nangayo kamo kaniya ug hari.”

Ang Biblia 2011

¹⁷ Dili ba ting-ani sa trigo karong adlawa? Ako motawag sa Ginoo aron siya magpadala ug dalugdog ug ulan, ug kamo mahibalo ug makakita nga ang inyong pagkadaotan dako kaayo, nga inyong gihimo diha sa panan-aw sa Ginoo, sa pagpangayo ug usa ka hari alang sa inyong kaugalingon.”

Maayong Balita Biblia

¹⁷ Dili ba karon ting-ani man sa trigo? Apan niining higayona hangyoon ko ang Ginoo nga iyang padalugdogon ug paulanon aron masayod kamo sa kangil-ad sa inyong nabuhat nga pagpangayog hari sa atubangan sa Ginoo.”

Ang Bag-ong Maayong Balita Biblia

¹⁷ Dili ba karon ting-ani man sa trigo? Apan niining higayona hangyoon ko ang Ginoo nga iyang padalugdogon ug paulanon aron masayod kamo sa kangil-ad sa inyong nabuhat nga pagpangayog hari sa atubangan sa Ginoo.”

1 Samuel 12:17 Cross References

Salmo 99:6

Si Moises ug si Aaron ang duha sa iyang mga pari, ug si Samuel ang usa sa mga nag-ampo ngadto kaniya. Mitawag sila kaniya ug gitubag niya sila.

Exodo 32:30

Pagkasunod adlaw, miingon si Moises sa mga tawo, “Nakahimo kamog dakong sala. Apan motungas ako karon sa bukid, didto sa Ginoo; basin pag matabangan ko kamo nga mahinloan sa inyong sala.”

Mga Panultihon 26:1

Maingon nga dili angay nga mag-snow kon ting-init o mag-ulan kon ting-ani, dili usab angay nga dayegon ang usa ka tawong buang-buang.

Jeremias 15:1

Miingon ang  Ginoo kanako, “Bisan pag magpakiluoy si Moises ug si Samuel kanako alang niining mga tawhana, dili ko gayod sila kaloy-an. Busa papahawaa sila sa akong atubangan. Ipalayo sila gikan kanako!

Josue 10:12

Sa adlaw nga gipadaog sa Ginoo ang mga Israelinhon batok sa mga Amorihanon, nag-ampo si Josue sa Ginoo. Ug miingon siya samtang namati ang mga Israelinhon, “Adlaw, pagpundo sa ibabaw sa Gibeon! Bulan, pagpundo sa ibabaw sa Walog sa Ayalon!”

1 Samuel 12:13

Karon, ania na ang hari nga inyong gipili. Gipangayo ninyo siya, ug gihatag siya sa Ginoo kaninyo.

1 Samuel 12:19

Miingon sila kang Samuel, “I-ampo sa Ginoo nga imong Dios nga dili kami mangamatay, kay gidugangan namo ang among mga sala pinaagi sa pagpangayo ug hari.”

1 Samuel 2:10

Laglagon niya ang nagsupak kaniya. Ipadalogdog niya ang langit batok kanila. Ang Ginoo ang maghukom sa tibuok kalibotan. Tungod kaniya mahimong gamhanan ug magmadaogon ang iyang pinili nga hari.”

1 Samuel 7:5

Unya miingon si Samuel ngadto sa mga Israelinhon, “Pagtigom kamong tanan didto sa Mizpa, ug mag-ampo ako sa Ginoo alang kaninyo.”

1 Samuel 8:6

Apan nasakitan pag-ayo si Samuel sa ilang gihangyo, busa nag-ampo siya ngadto sa Ginoo.

1 Samuel 8:7

Ug miingon ang Ginoo kaniya, “Tumana ang gisulti nila kanimo; dili ikaw ang ilang gisalikway. Ako ang ilang gisalikway isip ilang hari.