1 Samuel 11:15 - Ang Pulong sa Dios

¹⁵ Busa nangadto silang tanan sa Gilgal ug didto sa presensya sa Ginoo giproklamar nila si Saulo isip hari. Naghalad sila didto ug halad alang sa pakigda-it ngadto sa Ginoo, ug naglipay gayod silang tanan.

Ang Biblia 2011

¹⁵ Busa ang tanang katawhan nangadto sa Gilgal ug didto gihimo nila si Saul nga hari sa atubangan sa Ginoo didto sa Gilgal. Naghalad sila didto ug mga halad sa pakigdait sa atubangan sa Ginoo ug didto si Saul ug ang tanang mga tawo sa Israel naglipay sa hilabihan gayod.

Maayong Balita Biblia

¹⁵ Busa nangadto sa Gilgal ang katawhan ug didto sa balaang dapit gihimo nila nga hari si Saul. Didto naghalad sila ug mga hayop ug mga halad alang sa kalinaw. Si Saul ug ang katawhan sa Israel naglipay pag-ayo.

Ang Bag-ong Maayong Balita Biblia

¹⁵ Busa nangadto sa Gilgal ang katawhan ug didto sa balaang dapit gihimo nila nga hari si Saul. Didto naghalad sila ug mga hayop ug mga halad alang sa kalinaw. Si Saul ug ang katawhan sa Israel naglipay pag-ayo.

1 Samuel 11:15 Cross References

2 Samuel 19:15

Busa mibalik si David. Ug sa pag-abot niya sa Suba sa Jordan, gitagbo siya sa taga-Juda nga miadto didto sa Gilgal sa pagtabang kaniya sa pagtabok sa suba.

Exodo 24:5

Unya nagsugo siyag mga batan-ong lalaki nga maghalad sa Ginoo ug mga halad nga sinunog ug mga torong baka isip halad alang sa maayong relasyon.

Santiago 4:16

Apan karon, nagpasigarbo hinuon kamo ug nagpadayeg. Ang tanang mga pagpasigarbo nga sama niana daotan.

1 Samuel 10:17

Gipatigom ni Samuel ang mga Israelinhon didto sa Mizpa atubangan sa Ginoo,

1 Samuel 10:24

Unya miingon si Samuel sa tanang mga tawo, “Mao kini ang tawo nga gipili sa Ginoo. Walay usa kanato nga sama kaniya.” Unya naninggit ang mga tawo, “Malungtarong kinabuhi alang sa Mahal nga Hari!”

1 Samuel 10:8

“Unya mag-una ka kanako sa Gilgal. Moapas ako kanimo didto aron sa paghalad sa mga halad nga sinunog ug sa mga halad alang sa pakigda-it. Kinahanglan maghulat ka sulod sa pito ka adlaw hangtod nga makaabot ako, ug sultihan ka nako kon unsa ang imong himuon.”

1 Samuel 12:1

Miingon si Samuel sa tanang Israelinhon, “Gituman ko ang gipangayo ninyo kanako; gihatagan ko kamo ug hari nga modumala kaninyo.

1 Samuel 12:17

Dili ba nga panahon karon sa ting-ani sa trigo ug wala nag-ulan? Apan mag-ampo ako sa Ginoo nga padalogdogon ug paulanon niya. Unya makaamgo kamo kon unsa kadaotan ang inyong gihimo atubangan sa Ginoo sa dihang nangayo kamo kaniya ug hari.”

1 Samuel 8:19

Apan wala mamati ang mga tawo kang Samuel. Miingon sila, “Dili mahimo! Gusto namo nga adunay hari nga modumala kanamo.