1 Samuel 1:15 - Ang Pulong sa Dios

¹⁵ Mitubag si Hana, “Sir, dili ako hubog, ug wala ako makainom ug bisan unsang matang sa bino. Gipahungaw ko lang ngadto sa Ginoo ang kasakit nga akong gibati.

Ang Biblia 2011

¹⁵ Apan si Hana mitubag, “Dili, akong agalon. Ako usa ka babaye nga may gikagul-an pag-ayo. Wala ako makainom ug bino o isog nga ilimnon, kondili akong gibubo ang akong kagul-anan diha sa Ginoo.

Maayong Balita Biblia

¹⁵ Apan si Hana mitubag, “Dili ako hubog apan may gikagul-an ako pag-ayo. Wala ako makainom ug bino o isog nga ilimnon kondili nakigsulti ako sa Ginoo tungod sa akong kaguol.

Ang Bag-ong Maayong Balita Biblia

¹⁵ Apan si Hana mitubag, “Dili ako hubog apan may gikagul-an ako pag-ayo. Wala ako makainom ug bino o isog nga ilimnon kondili nakigsulti ako sa Ginoo tungod sa akong kaguol.

1 Samuel 1:15 Cross References

Job 30:16

“Ug karon hinay-hinay ako nga mamatay; walay undang ang akong pag-antos.

Salmo 143:6

Gibayaw ko ang akong mga kamot kanimo sa akong pag-ampo; giuhaw ako kanimo nga daw sa namalang yuta nga giuhaw sa tubig.

Salmo 42:4

Masubo ako inigmahinumdoman ko nga kaniadto gipangulohan ko ang daghang mga tawo sa pag-adto sa imong balay, ug gasaulog kami nga adunay paghugyaw sa kalipay ug pagpasalamat kanimo.

Salmo 62:8

Kamong mga katawhan sa Dios, salig kamo kaniya sa tanang panahon! Isulti kaniya ang tanan ninyong kabalaka kay siya ang nagpanalipod kanato.

Salmo 62:9

Ang mga tawo, dungganon man o dili, dili kasaligan. Managsama ra sila nga walay pulos. Kon timbangon sila, mas gaan pa sila kaysa hangin.

Mga Panultihon 14:10

Ikaw ray nasayod kon unsa ka kamalipayon o kon unsa ka kamasulob-on.

Mga Panultihon 15:1

Ang malumanay nga tubag makahupay sa kasuko, apan ang singhag makapaalsa sa dugo.

Mga Panultihon 25:15

Ang pagpailob ug ang malumong sinultihan makakumbinse sa mga pangulo ug bisan sa mga gahi ug kasing-kasing.

Mga Pagbangotan 2:19

Bangon kamo sa kagabhion ug pangayog tabang sa Ginoo. Ipahungaw ang tanan ninyong gibati ngadto kaniya, nga daw sa gayabo kamo sa tubig. Ibayaw ang inyong mga kamot sa pag-ampo alang sa kinabuhi sa inyong mga anak nga nangakuyapan na sa kagutom diha sa kadalanan.

1 Samuel 1:16

Ayaw akog isipa nga usa ka daotang babaye. Nag-ampo ako dinhi tungod sa akong hilabihang kaguol.”

1 Samuel 7:6

Sa dihang nagtigom na silang tanan sa Mizpa, nagkuha silag tubig ug ilang gibubo sa presensya sa Ginoo. Niadtong adlawa nagpuasa sila ug nagsugid sa ilang mga sala ngadto sa Ginoo. Si Samuel ang nangulo sa mga Israelinhon didto sa Mizpa.