1 Mga Hari 11:4 - Ang Pulong sa Dios

⁴ Sa natigulang na siya nadala siya sa iyang mga asawa sa pagsimba sa ubang mga dios. Nawala na ang iyang maayo nga relasyon sa Ginoo nga iyang Dios; dili sama sa iyang amahan nga si David.

Ang Biblia 2011

⁴ Kay sa diha nga si Solomon natigulang na, ang iyang mga asawa nakapasimang sa iyang kasingkasing sa pagsimba sa laing mga dios ug ang iyang kasingkasing wala magmatinud-anon sa Ginoo nga iyang Dios, sama sa kasingkasing ni David nga iyang amahan.

Maayong Balita Biblia

⁴ Kay sa dihang natigulang na si Solomon gidani siya sa iyang mga asawa sa pagsimba sa ubang mga dios. Wala siya magmatinud-anon sa Ginoo nga iyang Dios. Dili siya sama sa iyang amahan nga si David.

Ang Bag-ong Maayong Balita Biblia

⁴ Kay sa dihang natigulang na si Solomon gidani siya sa iyang mga asawa sa pagsimba sa ubang mga dios. Wala siya magmatinud-anon sa Ginoo nga iyang Dios. Dili siya sama sa iyang amahan nga si David.

1 Mga Hari 11:4 Cross References

1 Mga Hari 11:2

Giingnan nang daan sa Ginoo ang mga Israelinhon nga dili sila makigminyo gikan niana nga mga nasod, tungod kay ang ilang maminyoan modala unya kanila sa pagsimba sa ubang mga dios. Apan gihigugma gihapon ni Solomon kining mga babayhana.

1 Mga Hari 11:33

Himuon ko kini tungod kay gisalikway niya ako ug gisimba si Ashtarot, ang diosa sa mga Sidonhon, si Kemosh, ang dios sa mga Moabihanon, ug si Molec, ang dios sa mga Amonihanon. Wala siya mosunod sa akong mga pamaagi ug wala siya magkinabuhi nga matarong sa akong atubangan. Wala siya motuman sa akong mga tulomanon ug mga sugo; dili sama sa iyang amahan nga si David.

1 Mga Hari 11:38

Kon tumanon mo ang tanang isugo ko kanimo ug mosunod ka sa akong mga pamaagi, ug kon buhaton mo ang maayo sa akong panan-aw pinaagi sa pagtuman sa akong mga tulomanon ug mga sugo sama sa gihimo ni David nga akong alagad, mag-uban ako kanimo. Magpabilin sa paghari ang imong mga kaliwat sama sa mga kaliwat ni David, ug ihatag ko kanimo ang Israel.

1 Mga Hari 11:42

Sa Jerusalem nagpuyo si Solomon samtang naghari siya sa tibuok Israel sulod sa 40 ka tuig.

1 Mga Hari 11:6

Ug tungod niini, gihimo ni Solomon ang daotan atubangan sa Ginoo. Wala siya mosunod sa hingpit sa Ginoo; dili sama sa gihimo sa iyang amahan nga si David.

1 Mga Hari 11:9

Nasuko ang Ginoo kang Solomon tungod kay nagpahilayo siya sa Ginoo, nga Dios sa Israel, nga nagpakita kaniya sa makaduha ka higayon.

1 Mga Hari 14:21

Si Rehoboam nga anak ni Solomon mao ang hari sa Juda. Nag-edad siya ug 41 ka tuig sa dihang nahimo siyang hari. Naghari siya sulod sa 17 ka tuig sa Jerusalem, ang siyudad nga gipili sa Ginoo gikan sa tanang tribo sa Israel, diin siya pasidunggan. Ang inahan ni Rehoboam mao si Naama nga Amonihanon.

1 Mga Hari 15:14

Wala panggub-a ni Asa ang mga simbahanan diha sa habog nga mga dapit, apan nagmatinumanon siya sa Ginoo sa tibuok niyang kinabuhi.

1 Mga Hari 15:3

Gihimo usab ni Abias ang tanan nga sala nga gihimo sa iyang amahan. Dili maayo ang iyang relasyon sa Ginoo nga iyang Dios; dili sama kang David nga iyang katigulangan.

1 Mga Hari 3:3

Gipakita ni Solomon ang iyang paghigugma sa Ginoo pinaagi sa pagtuman sa mga pagtulon-an nga gibilin sa iyang amahan nga si David. Apan naghalad usab siya ug nagsunog ug insenso didto sa mga simbahanan diha sa habog nga mga dapit.

1 Mga Hari 6:1

Nagsugod si Solomon sa pagpatukod sa Templo sa Ginoo sa ikaduhang bulan, nga mao ang bulan sa Ziv, niadtong ikaupat nga tuig sa iyang paghari sa Israel. Ika-480 nga tuig kadto gikan sa paggawas sa mga Israelinhon gikan sa Ehipto.

1 Mga Hari 8:61

Ug hinaut nga kamo nga mga Israelinhon magmatinumanon gayod sa Ginoo nga atong Dios. Tumana ninyo ang iyang mga tulomanon ug mga sugo sama sa inyong ginahimo karon.”

1 Mga Hari 9:10

Pagkahuman sa 20 ka tuig nga pagpatukod ni Solomon sa Templo sa Ginoo ug sa iyang palasyo,

1 Mga Hari 9:4

“Ug ikaw, kon magkinabuhi ka nga maligdong ug matarong sa akong atubangan sama sa imong amahan nga si David, ug kon buhaton mo ang tanan kong gimando kanimo ug tumanon mo ang akong mga tulomanon ug mga lagda,

2 Mga Hari 20:3

Miingon siya, “Ginoo, hinumdomi nga nagkinabuhi ako nga matinumanon kanimo ug nag-alagad sa kinasing-kasing, ug gibuhat ko ang tanan nga makalipay kanimo.” Ug mihilak siya ug kusog.

1 Cronicas 28:9

“Ug ikaw, Solomon nga akong anak, ilha ug alagari ang Dios sa imong amahan sa tibuok mong kasing-kasing ug huna-huna, kay nakita sa Ginoo ang matag kasing-kasing ug nahibalo siya sa atong motibo ug huna-huna. Kon modangop ka kaniya, tabangan ka niya; apan kon mobiya ka kaniya, isalikway ka niya hangtod sa kahangtoran.

1 Cronicas 29:19

Tabangi usab ang akong anak nga si Solomon nga magmatinud-anon gayod sa pagtuman sa imong mga sugo, mga pagtulon-an, ug mga tulomanon, ug sa pagpatukod sa Templo nga akong gipangandaman.”

2 Cronicas 17:3

Giubanan sa Ginoo si Jehosafat tungod kay sa unang mga tuig sa iyang paghari gisunod niya ang pagkinabuhi sa iyang katigulangan nga si David. Wala siya modangop sa mga imahen ni Baal

2 Cronicas 25:2

Gihimo ni Amazia ang maayo atubangan sa Ginoo, apan dili gayod hingpit ang iyang pagsunod sa Ginoo.

2 Cronicas 34:2

Gihimo niya ang maayo atubangan sa Ginoo, ug misunod siya sa gibuhat sa iyang katigulangan nga si David. Gisunod gayod niya ang husto.

Exodo 20:3

“Ayaw kamo pagsimba ug laing dios gawas kanako.

Deuteronomio 17:17

Kinahanglan nga dili siya mangasawa ug daghan kay tingalig motalikod siya sa Ginoo. Ug kinahanglan nga dili siya magtigom ug daghang salapi ug bulawan.

Deuteronomio 7:4

kay ipahilayo nila sa Ginoo ang inyong mga anak ug mag-alagad sila sa ubang mga dios. Ug kon mahitabo kini, mahiagom kamo sa kasuko sa Ginoo ug diha-diha malaglag kamo.