1 Mga Taga-Corinto 7:7 - Ang Pulong sa Dios

⁷ Gusto ko unta nga ang tanan mahisama kanako nga walay asawa. Apan dili kita managsama tungod kay lain-lain ang gasa nga gihatag kanato sa Dios.

Ang Biblia 2011

⁷ Hinuon buot ako nga ang tanang tawo mahisama unta kanako. Apan ang matag usa adunay iyang kaugalingong hiyas gikan sa Dios, ang usa alang sa usa ka matang ug ang usa alang sa lain.

Maayong Balita Biblia

⁷ Maayo unta kon kamong tanan sama pa kanako apan ang usag-usa gihatagan sa Dios ug iyang kaugalingong hiyas. Ang usa kining hiyasa ug ang usa lahi usab.

Ang Bag-ong Maayong Balita Biblia

⁷ Maayo unta kon kamong tanan sama pa kanako apan ang usag-usa gihatagan sa Dios ug iyang kaugalingong hiyas. Ang usa kining hiyasa ug ang usa lahi usab.

1 Mga Taga-Corinto 7:7 Cross References

Genesis 30:34

Mitubag si Laban, “Kon mao kana ang imong gusto, mosugot ako.”

Mga Buhat 26:29

Mitubag si Pablo, “Sa madali man o madugay, ang akong pag-ampo sa Dios nga dili lamang ikaw kondili ang tanan usab nga naminaw kanako karon mahimong Cristohanon sama kanako, gawas lang niining akong pagkapriso.”

Roma 12:6

Ug tungod kay ang matag-usa kanato adunay iyang gasa nga nadawat sumala sa grasya sa Dios, gamiton nato kining iyang gihatag. Kon adunay gihatagan ug gasa sa pagsugilon sa pulong sa Dios, gamiton niya kana sumala sa iyang pagtuo.

1 Mga Taga-Corinto 12:11

Apan usa lang gayod ka Espiritu ang naghatag niining tanan, ug giapod-apod niya kini sa matag-usa sumala sa iyang kabubut-on.

1 Mga Taga-Corinto 12:4

Aduna kitay nagkalain-laing mga hiyas, apan usa lang ka Espiritu ang gigikanan niining tanan.

1 Mga Taga-Corinto 7:8

Kamo nga mga wala pay asawa o bana apil ang mga biyuda, mas maayo pa kon magpadayon kamo sa pagkinabuhi nga mag-inusara sama kanako.

1 Mga Taga-Corinto 9:15

Apan wala ko pahimusli ang maong katungod. Ug wala usab ako magsulat karon sa pagpamasin nga hatagan ninyo. Maayo pa nga mamatay na lang ako kaysa himuon ko kini. Sigurohon ko nga walay bisan kinsa nga makakuha niining akong gipasigarbo.

1 Mga Taga-Corinto 9:5

Ug wala ba kamiy katungod sa pagpauban sa asawa nga tumutuo sa among mga pagbiyahe sama sa gibuhat sa mga igsoon sa Ginoo, ni Pedro ug sa ubang mga apostoles?