1 Mga Taga-Corinto 7:21 - Ang Pulong sa Dios

²¹ Kon ikaw usa ka ulipon sa dihang gitawag ka sa Dios, ayaw kana igsapayan. Apan kon adunay kahigayonan nga makalingkawas ka sa pagkaulipon, pahimusli kana.

Ang Biblia 2011

²¹ Ulipon ba ikaw sa panahon sa pagtawag kanimo? Ayaw kini igsapayan. Apan kon may kahigayonan ikaw nga mahimong gawasnon, pahimusli kini.

Maayong Balita Biblia

²¹ Kon ulipon ka sa dihang gitawag ka sa Dios, ayaw kana igsapayan. Apan kon may higayon ka nga makagawas sa imong pagkaulipon, pahimusli kini.

Ang Bag-ong Maayong Balita Biblia

²¹ Kon ulipon ka sa dihang gitawag ka sa Dios, ayaw kana igsapayan. Apan kon may higayon ka nga makagawas sa imong pagkaulipon, pahimusli kini.

1 Mga Taga-Corinto 7:21 Cross References

Lucas 12:29

Ayaw kamo kabalaka kon unsa unya ang inyong kaonon ug imnon.

Lucas 21:34

“Busa bantayi ninyo ang inyong kaugalingon nga dili mawili sa pagkinabuhi nga mapatuyangon, sa paghubog-hubog, ug sa pagkabalaka sa inyong panginabuhi, kay basin kalit lang moabot kadtong adlawa nga dili kamo makabantay.

1 Mga Taga-Corinto 12:13

Kay kitang tanan, Judio man o dili, ulipon man o gawasnon, gibautismohan diha sa usa lang ka Espiritu aron mahimong usa ka lawas. Ug usa pud ka Espiritu ang ania kanatong tanan.

1 Mga Taga-Corinto 7:20

Busa magpadayon ang matag-usa diha sa iyang kahimtang sa dihang gitawag siya sa Dios.

1 Mga Taga-Corinto 7:22

Kay ang tawo nga ulipon sa dihang gitawag siya diha sa Ginoo, nahimo na siya karong gawasnon sa mata sa Ginoo. Ug ang tawo nga dili ulipon sa dihang gitawag siya, ulipon na ni Cristo.

Mga Taga-Galacia 3:28

Karon managsama na lang ang mga Judio ug ang mga dili Judio, ang mga ulipon ug ang mga dili ulipon, ang mga lalaki ug ang mga babaye. Kitang tanan managsama na lang tungod kay kita anaa na kang Cristo Jesus.

Mga Taga-Filipos 4:11

Wala ako mag-ingon niini aron sa pagpasabot nga aduna akoy gikinahanglan. Kay nakakat-on ako nga makontento bisan unsa ang akong kahimtang.

Mga Taga-Filipos 4:6

Ayaw kamo kabalaka sa bisan unsa, pangayoa hinuon sa Dios ang inyong mga gikinahanglan pinaagi sa pag-ampo nga adunay pagpasalamat.

Mga Taga-Colosas 3:11

Sa ingon niini walay kalainan, Judio man o dili Judio, tinuli man o dili tinuli, mga luog o bisan pa ang labing ubos kanila, mga ulipon o dili ulipon, kay si Cristo mao ang tanan ug anaa siya kanatong tanan.

Mga Hebreo 13:5

Likayi ninyo ang paghigugma sa kuwarta ug pagkontento kamo sa unsa lay anaa kaninyo, tungod kay nag-ingon ang Dios, “Dili ko gayod kamo biyaan, ug dili ko gayod kamo pasagdan.”

1 Pedro 5:7

Itugyan ninyo kaniya ang inyong mga gikabalak-an kay aduna siyay kahangawa kaninyo.