1 Mga Taga-Corinto 7:15 - Ang Pulong sa Dios

¹⁵ Apan kon gusto sa asawa o kaha sa bana nga dili tumutuo nga makigbulag, tugoti siya. Gawasnon siya nga makigbulag kaniya, kay gitawag kita sa Dios sa pagkinabuhi nga malinawon.

Ang Biblia 2011

¹⁵ Apan kon ang dili magtutuo buot man mobulag, pabulaga siya kay ang bana o asawa nga magtutuo wala maulipon sa maong kaminyoon. Kay kita gitawag sa Dios ngadto sa kalinaw.

Maayong Balita Biblia

¹⁵ Apan kon ang dili magtutuo buot mobulag sa iyang kapikas nga Cristohanon, tugoti siya. Sa ingon niana ang kapikas nga magtutuo, bana man siya o asawa, wala nay kabilinggan kay ang Dios nagtawag kaninyo sa pagpuyo nga malinawon.

Ang Bag-ong Maayong Balita Biblia

¹⁵ Apan kon ang dili magtutuo buot mobulag sa iyang kapikas nga Cristohanon, tugoti siya. Sa ingon niana ang kapikas nga magtutuo, bana man siya o asawa, wala nay kabilinggan kay ang Dios nagtawag kaninyo sa pagpuyo nga malinawon.

1 Mga Taga-Corinto 7:15 Cross References

Mateo 12:50

Kay si bisan kinsa nga nagbuhat sa kabubut-on sa akong Amahan sa langit mao ang akong inahan ug mga igsoon.”

Lucas 9:39

Kanunay siyang gamhan sa daotang espiritu. Kalit lang siya nga mosiyagit, magkirig-kirig ug magbula ang iyang baba. Kanunay siyang pasakitan sa daotang espiritu ug halos dili siya biyaan niini.

Roma 12:18

Kutob sa inyong mahimo likayi ninyo ang kasamok sa inyong pagpakig-uban sa tanang mga tawo.

Roma 14:19

Busa paningkamotan gayod nato ang pagbuhat sa mga butang nga makaayo sa relasyon ug makapalig-on sa pagtuo sa usag-usa.

1 Mga Taga-Corinto 14:33

Kay ang Dios wala naghatag ug kasamok kondili kalinaw. Kon mahitungod sa mga babaye, sunda ninyo ang mga tumutuo sa tanang lugar;

2 Mga Taga-Corinto 13:11

Dinhi lang kutob ang akong sulat kaninyo. Sa kataposan, mga igsoon, nanghangyo ako nga tarungon ninyo ang inyong pagkinabuhi. Sunda ninyo ang akong mga tambag. Paghiusa kamo. Kinahanglan maayo ang inyong relasyon sa matag-usa. Ug kon buhaton ninyo kini, ang Dios nga tinubdan sa gugma ug kalinaw mag-uban kaninyo.

Mga Taga-Galacia 5:22

Apan kini ang makita sa kinabuhi sa tawo kon ang Espiritu mao ang naggahom kaniya: mahigugmaon siya, malipayon, adunay kalinaw, mainantuson, maayo sa iyang isigka-tawo, manggihatagon, kasaligan,

Deuteronomio 24:2

Kon mamana pag-usab ang maong babaye,

Mga Hebreo 12:14

Paningkamoti ninyo nga maayo ang inyong relasyon ngadto sa tanang mga tawo, ug paningkamoti usab ninyo nga matarong ang inyong kinabuhi. Kay kon dili matarong ang inyong kinabuhi dili kamo makakita sa Dios.

Santiago 2:15

Pananglit aduna kitay igsoon nga nagkinahanglan ug bisti ug pagkaon,