1 Mga Taga-Corinto 6:7 - Ang Pulong sa Dios

⁷ Kanang inyong pagsinumbongay nagpakita lang sa inyong kapildihan. Maayo pa nga pasagdan na lang ninyo ang nagbuhat ug daotan ug nanglimbong kaninyo.

Ang Biblia 2011

⁷ Busa karon kamong tanan nangapakyas gayod, tungod kay kamo aduna may mga kiha batok sa usa ug usa. Ngano man diay ug kahimoan kamo ug sayop? Nganong dili man lang ninyo antoson nga kamo malimbongan?

Maayong Balita Biblia

⁷ Ang inyong pagkihaay nagpaila nga napakyas gayod kamo. Dili ba maayo pa nga kamoy lupigan o tikasan?

Ang Bag-ong Maayong Balita Biblia

⁷ Ang inyong pagkihaay nagpaila nga napakyas gayod kamo. Dili ba maayo pa nga kamoy lupigan o tikasan?

1 Mga Taga-Corinto 6:7 Cross References

Mga Panultihon 2:5

Kon himuon mo kini, masayran mo kon unsa ang pagtahod sa Ginoo, ug masabtan mo ang mahitungod sa Dios.

Mga Panultihon 20:22

Ayaw panimalos. Salig lang sa Ginoo, ug tabangan ka niya.

Oseas 10:2

Mga limbongan sila, ug kinahanglan nga mag-antos sila tungod sa ilang mga sala. Gub-on sa Ginoo ang ilang mga halaran ug sagrado nga mga bato.

Lucas 19:8

Didto sa iyang balay mitindog si Zaqueo ug miingon, “Ginoo, ihatag ko ngadto sa mga kabos ang katunga sa akong kabtangan. Ug kon aduna akoy gilimbongan, ibalik ko kaniya sa upat ka pilo.”

Lucas 6:29

Kon adunay mosagpa sa imong usa ka aping, ipasagpa usab ang pikas. Kon adunay mokuha sa imong kupo, ihatag. Ug kon kuhaon pa hasta ang imong kamisita, ihatag usab.

1 Mga Taga-Tesalonica 5:15

Siguroha gayod ninyo nga dili kamo mobalos ug daotan sa nagbuhat kaninyo ug daotan, kondili maningkamot kamo nga magbuhat ug maayo sa usag usa ug ngadto sa tanang mga tawo.

1 Pedro 3:9

Ayaw ninyo balosi ug daotan ang nagbuhat ug daotan kaninyo, ug ayaw usab ninyo insultoha ang nanginsulto kaninyo. Ang angay ninyong buhaton, mag-ampo kamo nga kaloy-an sila sa Dios, tungod kay gipili kamo sa Dios sa pagbuhat niini, aron kaloy-an usab niya kamo.