1 Mga Taga-Corinto 5:12 - Ang Pulong sa Dios

^12-13 Hinuon, unsa may atong labot sa paghukom sa mga dili tumutuo? Ang Dios lang ang maghukom kanila. Apan kinahanglan gayod nga timbang-timbangon nato kon maayo ba o daotan ang gibuhat sa atong isigka-tumutuo, kay ang Kasulatan nag-ingon, “Papahawaa ninyo sa inyong grupo ang tawong daotan.”

Ang Biblia 2011

¹² Kay unsa may akong labot sa paghukom sa mga tawo sa gawas? Dili ba ang mga anaa sa sulod sa iglesia mao ang inyong hukman?

Maayong Balita Biblia

^12-13 Hinuon, dili ko katungdanan ang paghukom sa mga taga gawas. Ang Dios maoy maghukom kanila. Apan dili ba angay ninyong hukman ang inyong kaugalingong mga sakop? Sumala sa giingon sa kasulatan, “Papahawaa sa inyong pundok ang tawo nga daotan.”

Ang Bag-ong Maayong Balita Biblia

^12-13 Hinuon, dili ko katungdanan ang paghukom sa mga taga gawas. Ang Dios maoy maghukom kanila. Apan dili ba angay ninyong hukman ang inyong kaugalingong mga sakop? Sumala sa giingon sa kasulatan, “Papahawaa sa inyong pundok ang tawo nga daotan.”

1 Mga Taga-Corinto 5:12 Cross References

Marcos 4:11

Miingon si Jesus kanila, “Ang mga tinago mahitungod sa paghari sa Dios klaro nga gisulti kaninyo, apan sa uban nga mga tawo ang tanan nga butang mahitungod sa paghari sa Dios gisulti pinaagi sa mga sambingay,

Lucas 12:14

Miingon si Jesus kaniya, “Higala, huwes ba ako o tigbahin sa inyong mga kabtangan?”

Juan 18:36

Gitubag siya ni Jesus, “Ang akong gingharian wala dinhi niining kalibotan. Kon ang akong gingharian dinhi pa sa kalibotan, nakig-gira unta ang akong mga tinun-an aron dili ako madakop sa mga kadagkoan sa mga Judio. Apan sa pagkatinuod, ang akong gingharian wala dinhi niining kalibotan.”

Mga Taga-Colosas 4:5

Pagmatngon kamo sa inyong mga paggawi taliwala sa mga dili tumutuo. Ug pahimusli ninyo ang tanang kahigayonan nga kamo makasugilon mahitungod sa inyong pagtuo.

1 Mga Taga-Tesalonica 4:12

Kon mao kini ang inyong buhaton, dili na kinahanglan nga magsalig pa kamo sa uban alang sa inyong panginabuhian, ug tahoron kamo sa mga dili tumutuo.

1 Timoteo 3:7

Kinahanglan usab nga tinahod siya bisan sa mga dili tumutuo aron dili siya maulawan ug mahulog sa laang sa Yawa.