1 Mga Taga-Corinto 4:9 - Ang Pulong sa Dios

⁹ Alang kanako, kaming mga apostoles murag gibutang sa Dios sa labing ubos nga kahimtang. Sama kami sa mga hinukman nga patyon ug nahimong talan-awon sa tibuok kalibotan, sa tanang mga tawo ug sa tanang mga anghel.

Ang Biblia 2011

⁹ Kay ako naghunahuna nga ang Dios nagbutang kanamong mga apostoles nga iwit, ingon nga mga patyonon tungod kay kami nahimo man nga mga talan-awon alang sa kalibotan, sa mga anghel ug sa mga tawo.

Maayong Balita Biblia

⁹ Sa akong hunahuna, ang Dios nagbutang kanamong mga apostoles sa labing ubos nga kahimtang. Sama kami sa mga tawo nga gihukman nga patyon atubangan sa katawhan—usa ka talan-awon alang sa tanang anghel ug sa tanang tawo.

Ang Bag-ong Maayong Balita Biblia

⁹ Sa akong hunahuna, ang Dios nagbutang kanamong mga apostoles sa labing ubos nga kahimtang. Sama kami sa mga tawo nga gihukman nga patyon atubangan sa katawhan—usa ka talan-awon alang sa tanang anghel ug sa tanang tawo.

1 Mga Taga-Corinto 4:9 Cross References

Salmo 44:22

Apan tungod sa among pagtuo kanimo, anaa kami kanunay sa kakuyaw sa kamatayon. Daw mga karnero kami nga ihawonon.

Salmo 71:7

Nahimong panig-ingnan ang akong kinabuhi sa kadaghanan, tungod kay ikaw ang akong lig-ong tigpanalipod.

Jeremias 20:18

Nganong gipakatawo pa man ako? Aron ba makita ko ang kagubot ug kalisod, ug mamatay sa kaulaw?

Mga Buhat 19:29

Ug ang kasamok mikaylap sa tibuok siyudad. Gidakop nila ang mga kauban ni Pablo nga si Gayo ug si Aristarco nga mga taga-Macedonia. Ug nanagan silang tanan padulong sa ilang tigomanan nga ginuyod ang duha.

Mga Buhat 19:31

Adunay mga higala si Pablo nga mga opisyal sa probinsya sa Asia. Kini sila nagpasugo ngadto kang Pablo nga kon mahimo dili gayod siya moadto sa ilang tigomanan.

Roma 8:36

Ang Kasulatan nag-ingon: “Tungod sa among pagtuo kanimo, anaa kami kanunay sa kakuyaw sa kamatayon. Sama kami sa mga karnero nga ihawonon.”

1 Mga Taga-Corinto 15:19

Kon ang atong paglaom diha kang Cristo alang lang sa atong kinabuhi dinhi sa kalibotan, kita gayod ang labing makaluluoy sa tanan.

2 Mga Taga-Corinto 11:23

Kon nag-ingon sila nga mga alagad sila ni Cristo, mas maayo ako nga alagad ni Cristo kay kanila. Nasayod ako nga niining akong mga pagpasigarbo mura akog buang, apan ang tinuod, mas maayo gayod ako nga alagad kay kanila tungod kay mas daghan ang akong kahago kon itandi sa ila. Ug mas makadaghan pa ako napriso. Dili maihap ang pagbunal kanako, ug sa makapila ka higayon anaa ako sa kakuyaw sa kamatayon.

2 Mga Taga-Corinto 6:9

Wala kami tagda sa uban, apan ang tinuod nailhan kami sa tanan. Kanunay kaming nahimutang sa kakuyaw sa kamatayon, apan buhi pa gihapon kami. Gidisiplina kami sa Dios apan wala patya.

1 Mga Taga-Tesalonica 3:3

aron nga dili kamo matarog sa mga paglutos nga inyong nasinati. Kay nasayod man kamo nga masinati gayod nato kini.

Mga Hebreo 1:14

Dili ba nga ang mga anghel mga espiritu lang nga gisugo sa Dios nga motabang sa mga tawo nga iyang luwason?

Mga Hebreo 10:33

Usahay gipakaulawan kamo ug gisakit atubangan sa mga tawo. Ug usahay bisan dili kamo ang gibuhatan sa ingon niini kondili ang inyong mga kauban, nag-antos gihapon kamo tungod sa inyong kaluoy kanila.

Mga Hebreo 11:36

Ang uban kanila gibugal-bugalan ug gilatos, ug ang uban gipanggapos ug gipangpriso.