1 Mga Taga-Corinto 4:8 - Ang Pulong sa Dios

⁸ Naghuna-huna kamo nga wala nay nakulang kaninyo, mga adunahan na kamo ug naghari na sa gingharian sa Dios bisan kon kami wala pa. Maayo gayod unta kon naghari na kamo aron makahari usab kami uban kaninyo.

Ang Biblia 2011

⁸ Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!

Maayong Balita Biblia

⁸ Anaa na kaninyo ang tanang butang nga inyong gikinahanglan! Mga dato na kamo! Nahimo kamong mga hari bisag wala kami. Maayo untag nahari gayod kamo aron maghari kami uban kaninyo.

Ang Bag-ong Maayong Balita Biblia

⁸ Anaa na kaninyo ang tanang butang nga inyong gikinahanglan! Mga dato na kamo! Nahimo kamong mga hari bisag wala kami. Maayo untag nahari gayod kamo aron maghari kami uban kaninyo.

1 Mga Taga-Corinto 4:8 Cross References

Mga Panultihon 13:7

Adunay mga tawo nga magpakaaron-ingnong adunahan, apan kabos diay. Ug adunay mga tawo usab nga magpakaaron-ingnong kabos, apan adunahan diay.

Mga Panultihon 25:14

Ang tawo nga wala nagtuman sa iyang saad sama sa dag-om ug hangin nga walay dalang ulan.

Isaias 5:21

Alaot kamong naghuna-huna nga maalam kamo ug utokan.

Jeremias 28:6

Ingon niya, “Amen! Hinaut nga himuon kana sa Ginoo! Hinaut nga tumanon sa Ginoo ang imong giingon ug dad-on niyag balik dinhi ang mga kagamitan sa balay sa Ginoo ug ang tanang gibihag ngadto sa Babilonia.

Numeros 11:29

Apan mitubag si Moises, “Nabalaka ka ba kon unsay mahimong resulta niini sa akong pagkapangulo? Kon ako lay pabut-on, gusto ko nga ang tanang katawhan sa Ginoo hatagan niya ug gahom aron makasugilon silang tanan sa iyang mensahe.”

Mateo 5:1

Sa dihang nakita ni Jesus ang daghang mga tawo, mitungas siya sa bukid ug milingkod didto. Miduol kaniya ang iyang mga tinun-an,

Lucas 6:25

Alaot kamong mga busog karon, tungod kay moabot ang adlaw nga gutomon kamo. Alaot kamo nga nagkatawa karon, tungod kay moabot ang adlaw nga maguol kamo ug maghilak.

Mga Buhat 26:29

Mitubag si Pablo, “Sa madali man o madugay, ang akong pag-ampo sa Dios nga dili lamang ikaw kondili ang tanan usab nga naminaw kanako karon mahimong Cristohanon sama kanako, gawas lang niining akong pagkapriso.”

Roma 12:3

Tungod sa grasya nga gihatag sa Dios kanako, sultihan ko kamong tanan nga dili kamo angay maghuna-huna ug labaw kay sa tinuod ninyong kahimtang, kondili huna-hunaon ninyo pag-ayo kon unsa ang inyong mga katakos sumala sa pagtuo nga gihatag sa Dios kaninyo.

1 Mga Taga-Corinto 1:5

Kay sa inyong pagkahiusa kang Cristo, gipanalanginan kamo sa Dios sa tanan, sa kahibalo ug sa pagpanulti.

1 Mga Taga-Corinto 4:18

Ang uban kaninyo mapahitas-on na, kay abi nila ug dili na ako moanha diha.

1 Mga Taga-Corinto 5:6

Dili kamo angay magpasigarbo. Dili ba nasayod man kamo sa panultihon nga nag-ingon, “Kon isagol ang gamay nga patubo diha sa harina ug masahon kini, motubo ang kinatibuk-ang minasa”?

2 Mga Taga-Corinto 11:1

Kon sa akong pagpasigarbo karon isipon ninyo nga nabuang ako, hinaut nga magpailob lang kamo samtang isulti ko kining mga butanga.

2 Mga Taga-Corinto 13:9

Malipayon kami, kay sa pagpaubos namo sa among kaugalingon nalig-on kamo sa inyong pagtuo. Among pag-ampo nga wala gayoy ikasaway kaninyo.

Mga Taga-Galacia 6:3

Kon adunay usa kaninyo nga naghuna-huna nga importante siya, nga ang tinuod wala siyay hinungdan, ginalimbongan lang niya ang iyang kaugalingon.

Mga Taga-Filipos 1:27

Makabisita man ako kaninyo o dili, ang mahinungdanon nga ang inyong paggawi pinasikad sa Maayong Balita mahitungod kang Cristo, aron madunggan ko nga lig-on kamong nagkahiusa sa inyong pagpakigbisog alang sa hustong pagtuo nga pinasikad sa Maayong Balita.

Mga Taga-Filipos 2:12

Mga hinigugma ko, kung giunsa ninyo ako pagtuman kanunay niadtong uban pa ako kaninyo, mosamot unta ang inyong pagkamatinumanon karon nga wala na ako diha uban kaninyo. Paningkamoti ninyo nga ikinabuhi ang inyong kaluwasan nga adunay pagtahod ug kahadlok sa Dios.

Gipadayag 3:17

Nag-ingon kamo nga dato kamo, nga gipanalanginan kamo ug wala nay nakulang kaninyo. Apan wala kamo masayod nga makaluluoy gayod kamo, tungod kay kabos kamo, buta, ug hubo.

Gipadayag 5:10

Gihimo mo silang mga hari ug mga pari sa pag-alagad sa atong Dios. Ug padumalahon mo sila sa kalibotan.”