1 Mga Taga-Corinto 3:9 - Ang Pulong sa Dios

⁹ Ako ug si Apolos nagtinabangay sa buluhaton alang sa Dios. Sama kamo sa uma nga gipauma kanamo sa Dios. Sama usab kamo sa usa ka balay nga iyang gipatukod.

Ang Biblia 2011

⁹ Kay kami mga kauban nga magbubuhat nga iya sa Dios, kamo ang uma sa Dios, ang balay sa Dios.

Maayong Balita Biblia

⁹ Kay sa Dios kami isigkamagbubuhat ug kamo mao ang uma sa Dios. Kamo mao usab ang balay sa Dios.

Ang Bag-ong Maayong Balita Biblia

⁹ Kay sa Dios kami isigkamagbubuhat ug kamo mao ang uma sa Dios. Kamo mao usab ang balay sa Dios.

1 Mga Taga-Corinto 3:9 Cross References

Salmo 118:22

Ang bato nga gisalikway sa mga panday mao pa hinuon ang nahimong pundasyon nga bato.

Salmo 72:16

Hinaut pa nga modaghan ang mga abot sa yuta, bisan sa kinatumyan sa mga bukid. Hinaut pa nga mahimo kining sama kamabungahon sa bukid sa Lebanon. Hinaut pa nga modaghan ang mga lumulupyo sa mga lungsod sama sa mga sagbot sa mga kaumahan.

Mga Panultihon 9:1

Ang kaalam sama sa usa ka tawo nga nagpatukod ug dako ug matahom nga balay.

Isaias 32:20

panalanginan kamo sa Dios. Mananom kamo, ug modagayday ang tubig alang sa inyong tanom. Ug gawasnon nga makasibsib ang inyong mga mananap bisan asa.

Isaias 61:11

Kay ingon nga ang yuta nagpatubo ug binhi, ang Ginoong Dios nagpatunhay usab sa pagkamatarong, ug dayegon siya sa tanang mga nasod.

Isaias 61:5

Mga katawhan sa Dios, moalagad kaninyo ang mga langyaw. Bantayan nila ang inyong mga kahayopan, ug motrabaho sila sa inyong mga kaumahan ug mga ubasan.

Jeremias 2:21

Sama kamo sa usa ka maayong klasi sa ubas nga akong gitanom. Apan nganong nahimo man kamong murag usa ka ihalas nga ubas nga mamungag dunot ug walay pulos?

Mateo 15:13

Mitubag si Jesus, “Ang matag tanom nga wala itanom sa akong Amahan sa langit pagaibton.

Mateo 16:18

Ug tungod niini tawgon ka nako nga Pedro (nga ang buot ipasabot kay ‘bato’), ug dinhi niining bato tukoron ko ang akong iglesia ug bisan ang gahom sa kamatayon dili makapildi niini.

Mateo 9:37

Busa miingon siya sa iyang mga tinun-an, “Daghan ang alanihon, apan gamay ra ang mag-aani.

Marcos 16:20

Ug nagsangyaw ang iyang mga tinun-an sa nagkalain-laing mga dapit. Gitabangan sila sa Ginoo ug gipamatud-an niya ang gisangyaw sa mga tinun-an pinaagi sa mga ilhanan nga ilang gihimo.]

Mga Buhat 4:11

Siya, “ ‘Ang bato nga gisalikway ninyo nga mga magtutukod mao ang nahimong bato nga patukoranan.’

1 Mga Taga-Corinto 3:16

Dili ba templo man kamo sa Dios ug ang Espiritu nagpuyo diha kaninyo?

1 Mga Taga-Corinto 3:6

Ako ang nagtanom, ug si Apolos ang nagbisbis, apan ang Dios mao ang nagpatubo.

1 Mga Taga-Corinto 6:19

Dili ba ang Espiritu Santo nga gihatag sa Dios nagpuyo sa atong lawas isip iyang templo? Busa kining atong lawas dili ato kondili iya sa Dios.

2 Mga Taga-Corinto 6:1

Tungod kay kami mga katabang sa Dios, nanghangyo gayod kami kaninyo nga dili ninyo isipon nga walay kapuslanan ang grasya nga inyong nadawat gikan kaniya.

2 Mga Taga-Corinto 6:16

Ug kita mao ang templo sa Dios nga buhi! Dili mahimo nga iipon ang mga dios-dios sa templo nga gipuy-an sa Dios. Kay ang Dios nag-ingon: “Magpuyo ako ug mag-uban kanila. Ako mahimong ilang Dios, ug sila mahimong akong katawhan.”

Mga Taga-Efeso 2:10

Gibuhat kita sa Dios; ug sa atong pagkahiusa kang Cristo Jesus gihatagan niya kita ug bag-o nga kinabuhi, aron mahimo nato ang maayo nga mga buhat. Sukad pa kaniadto mao kini ang giplano sa Dios nga atong buhaton.

Mga Taga-Colosas 2:7

Panggamot kamo kaniya ug pagtubo. Pagmalig-on kamo diha sa pagtuo nga gitudlo kaninyo, ug pagpasalamat usab kamo kanunay sa Dios.

1 Timoteo 3:15

aron nga kon malangan ako, masayod ka na kon unsaon paggawi sa mga tumutuo isip pamilya sa Dios. Kita nga mga tumutuo mao ang iglesia sa buhi nga Dios, ang iyang gisaligan nga magbarog ug maglaban sa kamatuoran.

Mga Hebreo 3:6

Apan si Cristo kasaligan isip Anak nga tinugyanan sa pamilya sa Dios. Ug kita ang pamilya sa Dios, kon magpadayon kita nga mahugtanon sa atong paglaom nga atong ginapasigarbo.

1 Pedro 2:5

kamo ingon nga mga buhing bato gipatindog usab sa Dios isip usa ka espirituhanong balay. Ug isip mga pari nga pinili sa Dios, gahalad kamo kaniya sa espirituhanong mga halad nga makapahimuot kaniya tungod kay gihalad kini pinaagi kang Jesu-Cristo.

3 Juan 1:8

Busa kita nga mga tumutuo kinahanglan nga motabang sa mga tawo nga sama kanila aron nga aduna usab kitay bahin sa ilang paghago alang sa kamatuoran.