1 Mga Taga-Corinto 2:13 - Ang Pulong sa Dios

¹³ Busa ang mga pulong nga among gisulti gikan sa Espiritu ug dili gikan sa kaalam sa tawo. Gipasabot namo ang mga pagtulon-an nga gikan sa Espiritu ngadto sa mga tawo nga nakaangkon sa Espiritu.

Ang Biblia 2011

¹³ Ug kini among gisulti pinaagi sa mga pulong nga wala itudlo sa tawhanong kaalam kondili sa gitudlo sa Espiritu, naghubad sa mga espirituhanong butang ngadto sa mga nagbaton sa Espiritu.

Maayong Balita Biblia

¹³ Busa sa atong pagsaysay sa espirituhanon nga mga kamatuoran alang niadtong nakabaton sa Espiritu sa Dios wala kita magtudlo ginamit ang mga pulong sa kaalam sa tawo kondili sa mga pulong nga gitudlo sa Espiritu sa Dios.

Ang Bag-ong Maayong Balita Biblia

¹³ Busa sa atong pagsaysay sa espirituhanon nga mga kamatuoran alang niadtong nakabaton sa Espiritu sa Dios wala kita magtudlo ginamit ang mga pulong sa kaalam sa tawo kondili sa mga pulong nga gitudlo sa Espiritu sa Dios.

1 Mga Taga-Corinto 2:13 Cross References

Lucas 12:12

Kay tudloan kamo sa Espiritu Santo nianang higayona kon unsa ang angay ninyong itubag.”

Mga Buhat 2:4

Napuno silang tanan sa Espiritu Santo, ug diha-diha gipasulti sila sa Espiritu Santo sa nagkalain-laing mga pinulongan nga wala nila matun-i.

1 Mga Taga-Corinto 1:17

Kay wala ako sugoa ni Cristo aron sa pagbautismo kondili sa pagtudlo sa Maayong Balita. Ug ang akong pagtudlo dili pinaagi sa mga maanindot ug maalamon nga pagpanulti, kay basin madala ko ang mga tawo ngadto kang Cristo pinaagi sa akong abilidad ug mawad-an na lang ug gahom ang kamatayon ni Cristo sa krus.

1 Mga Taga-Corinto 14:2

Ang tawo nga nagsulti sa pinulongan nga wala niya matun-i wala nagsulti ngadto sa mga tawo kondili ngadto sa Dios, tungod kay ang mga tawo dili makasabot kaniya. Ang Espiritu mao ang nagpasulti kaniya, ug gisulti niya ang mga butang nga wala masayri sa uban.

1 Mga Taga-Corinto 2:1

Mga igsoon ko kang Cristo, sa pag-anha ko diha kaninyo aron sa pagwali sa mga tinago nga kamatuoran sa Dios, wala ako maggamit ug laglom nga mga pulong o kaha lawom nga kaalam.

1 Mga Taga-Corinto 2:14

Apan ang tawo nga wala kaniya ang Espiritu dili modawat sa mga pagtulon-an nga gikan sa Espiritu sa Dios, tungod kay alang kaniya binuang lang kini. Ug dili niya kini masabtan tungod kay ang Espiritu lang gayod sa Dios mao ang makatabang kaniya sa pagsabot niini.

1 Mga Taga-Corinto 2:4

Sa pagwali ko kaninyo wala ako maggamit ug binulak-bulakan nga mga pulong aron lang madani kamo, kondili ang Espiritu ang nagpamatuod sa akong gipanulti pinaagi sa iyang gahom,

1 Mga Taga-Corinto 9:11

Nagpugas kami diha kaninyo ug espirituhanong mga binhi; bug-at na ba alang kaninyo kon magpaabot kami nga inyong hatagan sa mga butang nga among gikinahanglan sa matag adlaw?

Mga Taga-Efeso 5:19

Sa inyong panaghisgot, gamita ninyo ang mga salmo ug uban pa nga mga awit mahitungod sa pagdayeg sa Ginoo. Ug pag-awit kamo nga kinasing-kasing gayod.

Mga Taga-Colosas 3:16

Hinaut nga isil-sil gayod ninyo sa inyong alimpatakan ang mga pulong ni Cristo. Tudloi ug pahimangnoi ang usag usa sumala sa kaalam nga gikan sa Dios. Pag-awit kamo ug mga salmo, mga alawiton nga spirituhanon, ug uban pa nga mga awit mahitungod sa pagdayeg sa Dios sa kinasing-kasing nga pagpasalamat kaniya.

1 Pedro 1:12

Gipahibalo usab sila sa Dios nga ang ilang gipanulti dili alang sa ilang kaayohan kondili alang kanato. Ug karon ang ilang mga panagna nadungog na ninyo gikan sa mga nagsangyaw sa Maayong Balita. Nagsulti sila kaninyo pinaagi sa gahom sa Espiritu Santo nga gipadala kanila gikan sa langit. Ug bisan ang mga anghel gusto nga makasabot niining Maayong Balita nga gisulti kaninyo.

2 Pedro 1:16

Ang among gisulti kaninyo bahin sa gahom sa atong Ginoong Jesu-Cristo sa dihang dinhi pa siya sa kalibotan dili tinumotumo lang nga mga sugilanon, kondili nasaksihan gayod namo ang iyang gahom nga gikan sa Dios.