1 Mga Taga-Corinto 2:11 - Ang Pulong sa Dios

¹¹ Ingon kanatong mga tawo, walay nasayod sa gihuna-huna sa usa ka tawo gawas lang sa iyang kaugalingon nga espiritu. Mao usab sa Dios, walay nasayod sa iyang huna-huna gawas lang sa Espiritu sa Dios.

Ang Biblia 2011

¹¹ Kay kinsa bang tawhana ang nasayod mahitungod sa tawo gawas sa espiritu sa tawo nga anaa kaniya. Sa ingon niana usab, walay bisan usa nga makasabot mahitungod sa Dios gawas sa Espiritu sa Dios.

Maayong Balita Biblia

¹¹ Walay laing nasayod mahitungod sa hunahuna sa usa ka tawo gawas sa iyang kaugalingong espiritu, ingon nga ang Espiritu sa Dios lamang ang nasayod mahitungod sa Dios.

Ang Bag-ong Maayong Balita Biblia

¹¹ Walay laing nasayod mahitungod sa hunahuna sa usa ka tawo gawas sa iyang kaugalingong espiritu, ingon nga ang Espiritu sa Dios lamang ang nasayod mahitungod sa Dios.

1 Mga Taga-Corinto 2:11 Cross References

Job 15:8

Nadungog mo na ba ang mga plano sa Dios? Ikaw lang ba ang maalamon?

Mga Panultihon 14:10

Ikaw ray nasayod kon unsa ka kamalipayon o kon unsa ka kamasulob-on.

Mga Panultihon 20:27

Ang atong konsensya o huna-huna gamiton sa Ginoo sa paglamdag sa atong kinabuhi aron masusi nato ang atong pagkatawo.

Mga Panultihon 20:5

Ang huna-huna sa tawo mahimong sama kalawom sa tubig, apan kon maalamon ka, matugkad mo kini.

Jeremias 17:9

Labihan gayod ka malimbongon ang kasing-kasing sa tawo ug walay makatupong niini. Kinsay makatugkad niini?

1 Mga Taga-Corinto 12:8

Ang uban gihatagan sa Espiritu ug hiyas sa pagsugilon mahitungod sa kaalam, ug ang uban gihatagan sa Espiritu ug hiyas sa pagpasabot niana.

1 Mga Taga-Corinto 2:10

Kini nga plano sa Dios gipahibalo na kanato pinaagi sa iyang Espiritu. Kay ang tanan nasayran sa Espiritu, bisan pa ang mga lawom nga huna-huna sa Dios.