1 Mga Taga-Corinto 14:16 - Ang Pulong sa Dios

¹⁶ Kon magpasalamat ka sa Dios sa imong espiritu lang, ug dili kini masabtan, unsaon pag-ingon sa uban “Amen” kon wala man gani sila makasabot kon unsa ang imong gipanulti?

Ang Biblia 2011

¹⁶ Kay kon dili, bisan kon magpasalamat ikaw uban sa espiritu, unsaon man niya nga anaa sa dapit nga walay kahibalo sa pag-ingon ug “Amen” sa imong pagpasalamat nga dili man siya makasabot sa imong gipanulti?

Maayong Balita Biblia

¹⁶ Kon magpasalamat kamo sa Dios uban sa espiritu lamang, unsaon man sa usa ka yano nga tawo nga mitambong sa pagsimba pag-ingog “Amen” sa inyong pagpasalamat? Dili gayod siya makasabot sa inyong gipanulti ug

Ang Bag-ong Maayong Balita Biblia

¹⁶ Kon magpasalamat kamo sa Dios uban sa espiritu lamang, unsaon man sa usa ka yano nga tawo nga mitambong sa pagsimba pag-ingog “Amen” sa inyong pagpasalamat? Dili gayod siya makasabot sa inyong gipanulti ug

1 Mga Taga-Corinto 14:16 Cross References

1 Mga Hari 1:36

Mitubag si Benaya nga anak ni Jehoyada, “Tumanon namo kana! Hinaut nga itugot kana sa Ginoo nga imong Dios, Mahal nga Hari.

1 Cronicas 16:36

Dalaygon ang Ginoo, nga Dios sa Israel, sa walay kataposan. Unya mitubag ang tanang katawhan, “Amen.” Ug midayeg sila sa Ginoo.

Nehemias 5:13

Gitangtang ug giyagyag ko ang bugkos sa akong hawak ug miingon, “Hinaut nga ingon niini ang himuon sa Dios sa inyong balay ug kabtangan kon dili ninyo tumanon ang inyong gisaad. Hinaut nga kuhaon niya kining tanan kaninyo.” Ang tanang mga tawo didto mitubag, “Hinaut pa!” Ug gidayeg nila ang Ginoo. Ug gituman sa mga pangulo ug mga opisyal ang ilang gisaad.

Nehemias 8:6

Gidayeg ni Ezra ang Ginoo, nga gamhanang Dios, ug mitubag ang mga tawo, “Amen! Amen!” samtang gibayaw nila ang ilang mga kamot. Unya mihapa sila ug misimba sa Ginoo.

Salmo 106:48

Dalaygon ang  Ginoo, nga Dios sa Israel, sa walay kataposan. Ang tanan nga katawhan motubag ug, “Amen!” Dayega ang  Ginoo!

Salmo 41:13

Dalaygon ang  Ginoo, nga Dios sa Israel, sa walay kataposan. Amen! Amen!

Salmo 72:19

Dalaygon ang iyang pagkagamhanan sa walay kataposan. Makita sa mga tawo sa tibuok kalibotan ang iyang pagkagamhanan. Amen! Amen!

Salmo 89:52

Dalaygon ang  Ginoo sa walay kataposan! Amen! Amen!

Jeremias 11:5

Unya tumanon ko ang akong gipanaad sa inyong mga katigulangan nga hatagan ko silag maayo ug mabungahon nga yuta nga mao ang yuta nga inyong gipanag-iyahan karon.’ ” Mitubag ako, “Hinaut pa, Ginoo.”

Jeremias 28:6

Ingon niya, “Amen! Hinaut nga himuon kana sa Ginoo! Hinaut nga tumanon sa Ginoo ang imong giingon ug dad-on niyag balik dinhi ang mga kagamitan sa balay sa Ginoo ug ang tanang gibihag ngadto sa Babilonia.

Numeros 5:22

Hinaut nga kining tubig nga nagdala ug mga tunglo mosulod sa imong lawas aron dili ka na makaanak. “Motubag dayon ang babaye, ‘Hinaut pa nga mahitabo kini.’

Mateo 15:36

Gikuha niya ang pito ka pan ug ang mga isda ug nagpasalamat sa Dios. Ug unya, gipikas-pikas niya kini ug gihatag sa iyang mga tinun-an. Ug sila mao ang nang-apod-apod niini ngadto sa mga tawo.

Mateo 28:20

Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan.”

Mateo 6:13

Ayaw itugot nga madaog kami sa mga pagsulay, hinuon luwasa kami gikan kang Satanas. [Kay imo ang gingharian ug ang gahom, ug ang himaya sa walay kataposan. Amen.]’

Marcos 16:20

Ug nagsangyaw ang iyang mga tinun-an sa nagkalain-laing mga dapit. Gitabangan sila sa Ginoo ug gipamatud-an niya ang gisangyaw sa mga tinun-an pinaagi sa mga ilhanan nga ilang gihimo.]

Juan 21:25

Daghan pa gayod ang mga gipangbuhat ni Jesus nga kon tagsa-tagsaon ug sulat, tingali ang tibuok kalibotan dili paigo nga kabutangan sa mga libro nga masulat.

Juan 7:15

Natingala gayod ang mga kadagkoan sa mga Judio. Miingon sila, “Asa man nakakuha ug kaalam kining tawhana? Wala gani siya makaeskwela.”

Mga Buhat 4:13

Natingala ang mga pangulo sa Judio kang Pedro ug kang Juan tungod sa ilang kaisog sa pagsulti, kay nasayod sila nga ang duha mga yano lamang nga mga tawo ug walay taas nga kahibalo. Unya nailhan nila nga kini sila mga kauban ni Jesus kaniadto.

1 Mga Taga-Corinto 11:24

ug human niya pasalamati sa Dios, gipikas-pikas niya kini ug miingon, “Mao kini ang akong lawas nga gihatag alang kaninyo. Buhata ninyo kini sa paghandom kanako.”

1 Mga Taga-Corinto 14:14

Kay kon mag-ampo ako sa pinulongan nga wala ko matun-i, bisan tinuod ug nag-ampo ang akong espiritu, ang akong huna-huna dili makasabot niini.

1 Mga Taga-Corinto 14:2

Ang tawo nga nagsulti sa pinulongan nga wala niya matun-i wala nagsulti ngadto sa mga tawo kondili ngadto sa Dios, tungod kay ang mga tawo dili makasabot kaniya. Ang Espiritu mao ang nagpasulti kaniya, ug gisulti niya ang mga butang nga wala masayri sa uban.

1 Mga Taga-Corinto 16:24

Gihigugma ko kamong tanan sa atong pagkahiusa kang Cristo Jesus. Amen.

2 Mga Taga-Corinto 1:20

Kay pinaagi kang Cristo ang tanang saad sa Dios matuman gayod. Ug pinaagi kang Cristo moingon kita ug “Amen” alang sa himaya sa Dios.

Gipadayag 22:20

Si Jesus mao ang nagpamatuod sa tanan nga nakasulat dinhi. Miingon siya, “Sa dili madugay, moabot na gayod ako.” Miingon usab ako, “Amen. Ginoong Dios, balik na.”

Gipadayag 5:14

Mitubag dayon ang upat ka nilalang, “Amen!” Ug ang mga pangulo nangluhod ug misimba.

Gipadayag 7:12

Miingon sila, “Tinuod gayod nga ang atong Dios angayan nga dayegon, pasidunggan, pasalamatan ug tahoron. Nasayod siya sa tanan, ug ang tanang gahom ug kusog anaa kaniya. Dayegon siya sa walay kataposan! Amen!”