1 Mga Taga-Corinto 14:12 - Ang Pulong sa Dios

¹² Busa, tungod kay naninguha kamo nga makadawat sa mga hiyas nga gikan sa Espiritu, paningkamoti ninyo nga madawat ang mga hiyas nga makapalig-on sa mga tumutuo.

Ang Biblia 2011

¹² Ingon usab kamo niana, kay nagtinguha man gayod kamo sa mga butang sa Espiritu, paningkamoti nga mahanas kamo alang sa pagpalig-on sa iglesia.

Maayong Balita Biblia

¹² Tungod kay naninguha man kamo pagbaton sa mga hiyas sa Espiritu, tinguhaa ninyo ang mga hiyas nga makapalig-on sa simbahan.

Ang Bag-ong Maayong Balita Biblia

¹² Tungod kay naninguha man kamo pagbaton sa mga hiyas sa Espiritu, tinguhaa ninyo ang mga hiyas nga makapalig-on sa simbahan.

1 Mga Taga-Corinto 14:12 Cross References

Roma 14:19

Busa paningkamotan gayod nato ang pagbuhat sa mga butang nga makaayo sa relasyon ug makapalig-on sa pagtuo sa usag-usa.

1 Mga Taga-Corinto 12:31

Apan paningkamoti ninyo nga makadawat kamo gikan sa Dios sa mga mahinungdanon gayod nga mga hiyas. Ug karon itudlo ko kaninyo ang labi pang maayo sa tanan.

1 Mga Taga-Corinto 12:7

Ang matag-usa gihatagan ug hiyas nga nagpakita nga ang Espiritu anaa kaniya, aron makatabang siya sa iyang isigka-tumutuo.

1 Mga Taga-Corinto 14:1

Busa paningkamoti gayod ninyo nga maghigugma, apan paninguhaa usab ninyo nga mahatagan kamo ug mga hiyas nga gikan sa Espiritu, labi na gayod ang pagsugilon sa mensahe sa Dios.

1 Mga Taga-Corinto 14:13

Busa ang tawo nga nagsulti sa pinulongan nga wala niya matun-i kinahanglan mag-ampo nga hatagan usab siya ug hiyas nga makapasabot kon unsa ang kahulogan sa iyang gipanulti.

1 Mga Taga-Corinto 14:26

Busa, mga igsoon, mao kini ang angay ninyong buhaton kon magtigom kamo, ang uban mag-awit, ang uban magtudlo, ang uban magsugilon sa mensahe sa Dios, ang uban magsultig pinulongan nga wala niya matun-i, ug ang uban magpasabot sa kahulogan niini. Buhata ninyo kining tanan alang sa pagpalig-on sa mga tumutuo.

1 Mga Taga-Corinto 14:5

Gusto ko unta nga kamong tanan makasulti sa pinulongan nga wala ninyo matun-i, apan mas maayo gayod kon makasugilon kamo sa pulong sa Dios. Tungod kay ang tawo nga nagsugilon sa pulong sa Dios mas mahinungdanon pa kaysa tawo nga nagsulti sa pinulongan nga wala niya matun-i, gawas lang kon mapasabot usab niya ang kahulogan sa iyang gipanulti aron mapalig-on ang mga tumutuo.

Tito 2:14

Gitugyan niya ang iyang kaugalingon aron maluwas kita gikan sa tanan natong mga sala, ug aron mahimo kitang iyang katawhan, nga hinlo ug madasigon gayod sa pagbuhat ug maayo.