1 Mga Taga-Corinto 13:8 - Ang Pulong sa Dios

⁸ Adunay kataposan ang mga pagsugilon sa pulong sa Dios, ug ang mga pagsulti sa mga pinulongan nga wala matun-i, ug ang kahibalo, apan ang gugma wala gayoy kataposan.

Ang Biblia 2011

⁸ Ang gugma dili gayod matapos apan ang mga pagpropesiya mahanaw, ang mga pinulongan mahunong, ang kahibalo mahanaw.

Maayong Balita Biblia

⁸ Ang mga pagpadayag sa langitnong mensahe lumalabay lamang. Ang mga hiyas sa pagsultig lahi nga pinulongan mawala ug ang kahibalo mahanaw. Apan ang gugma dili gayod matapos.

Ang Bag-ong Maayong Balita Biblia

⁸ Ang mga pagpadayag sa langitnong mensahe lumalabay lamang. Ang mga hiyas sa pagsultig lahi nga pinulongan mawala ug ang kahibalo mahanaw. Apan ang gugma dili gayod matapos.

1 Mga Taga-Corinto 13:8 Cross References

Jeremias 49:7

Mao kini ang giingon sa Ginoo nga Makagagahom bahin sa Edom: “Hain na man ang mga maalamon sa Teman? Wala na bay nahibiling maayong magtatambag?

Lucas 22:32

Apan nag-ampo ako alang kanimo aron nga dili mawala ang imong pagtuo. Ug kon mobalik ka na sa imong pagtuo kanako lig-onon mo ang pagtuo sa imong mga igsoon.”

Mga Buhat 13:1

Sa Antioquia adunay mga propeta ug mga magtutudlo nga miyembro sa iglesia. Sila mao si Bernabe, si Simeon nga gitawag nga Negro, si Lucio nga taga-Cirene, si Manaen (nga nagdako sa panimalay ni Herodes nga pangulo sa Galilea), ug si Saulo.

Mga Buhat 19:6

Ug sa dihang gipandong ni Pablo ang iyang mga kamot kanila mikunsad diha kanila ang Espiritu Santo. Nagsulti dayon silag mga nagkalain-laing pinulongan nga wala nila matun-i, ug nagsugilon usab silag mga mensahe gikan sa Dios.

Mga Buhat 2:4

Napuno silang tanan sa Espiritu Santo, ug diha-diha gipasulti sila sa Espiritu Santo sa nagkalain-laing mga pinulongan nga wala nila matun-i.

1 Mga Taga-Corinto 12:10

Ang uban gihatagan sa Espiritu ug gahom sa paghimo ug mga milagro; ang uban, hiyas sa pagsugilon sa pulong sa Dios; ug ang uban, hiyas sa pag-ila kon ang naggahom sa usa ka tawo mao ba ang Espiritu o dili. Aduna puy gihatagan ug hiyas sa pagsulti sa uban nga mga pinulongan nga wala nila sukad matun-i, ug adunay gihatagan ug hiyas sa paghubad sa kahulogan niadto nga mga pinulongan.

1 Mga Taga-Corinto 13:10

Apan kon moabot na ang adlaw nga mahingpit na ang tanan mawala na ang pagkadili-hingpit.

1 Mga Taga-Corinto 13:13

Tulo ka butang ang magpadayon ug kining tulo mao ang pagtuo, paglaom, ug ang gugma. Apan ang gugma mao gayod ang labing mahinungdanon.

1 Mga Taga-Corinto 14:39

Busa mga igsoon ko kang Cristo, paninguhaa gayod ninyo nga makasugilon sa pulong sa Dios, ug ayaw ninyo pugngi ang pagsulti sa mga pinulongan nga wala matun-i.

1 Mga Taga-Corinto 8:2

Ang tawo nga naghuna-huna nga maalamon na siya nagpaila lang nga kulang pa gayod ang iyang kahibalo.

Mga Taga-Galacia 5:6

Tungod kay kon anaa na kita kang Cristo Jesus, dili na importante kon tinuli kita o dili. Ang atong pagtuo mao ang importante, nga makita pinaagi sa atong paghigugmaay.

Mga Hebreo 8:13

Ug tungod kay nag-ingon ang Dios nga adunay bag-o na nga kasabotan, klaro nga ang una nga kasabotan karaan na, ug ang karaan dili na magamit ug mahanaw lang.