1 Mga Taga-Corinto 10:4 - Ang Pulong sa Dios

⁴ Ug silang tanan miinom sa samang balaang tubig nga iyang gihatag, kay nanginom sila sa tubig nga gikan sa Bato nga gipatubod sa Dios. Kadtong Bato nga nag-uban-uban kanila mao si Cristo mismo.

Ang Biblia 2011

⁴ ug silang tanan nanginom sa samang espirituhanong ilimnon. Kay sila nanginom man gikan sa espirituhanong Bato nga misunod kanila, ug ang maong Bato mao si Cristo.

Maayong Balita Biblia

⁴ ug nanginom sa tubig nga espirituhanon kay nanginom man sila gikan sa espirituhanong bato nga mikuyog kanila ug kadtong batoha mao si Cristo.

Ang Bag-ong Maayong Balita Biblia

⁴ ug nanginom sa tubig nga espirituhanon kay nanginom man sila gikan sa espirituhanong bato nga mikuyog kanila ug kadtong batoha mao si Cristo.

1 Mga Taga-Corinto 10:4 Cross References

Genesis 40:12

Miingon si Jose, “Mao kini ang kahulogan sa imong damgo: Ang tulo ka sanga nagkahulogan ug tulo ka adlaw.

Genesis 41:26

Ang pito ka tambok nga mga baka ug ang pito ka himsog nga mga uhay managsama nga nagkahulogan ug pito ka tuig.

Salmo 105:41

Gibuak niya ang bato ug mibugwak ang tubig. Midagayday kini sa disyerto sama sa suba.

Salmo 78:15

Gipaliki niya ang mga bato sa kamingawan ug miagas ang tubig. Gipatuyangan niya silag inom sa tubig nga daw sa naggikan sa kinahiladman sa yuta.

Salmo 78:20

Tinuod nga gihapak niya ang bato ug mibuhagay ang tubig, apan makahatag ba siyag pan ug karne kanato nga iyang katawhan?”

Exodo 17:6

Maghulat ako kanimo didto sa bato sa Horeb. Bunali ang bato, ug mogawas ang tubig aron makainom ang mga tawo.” Busa gihimo kini ni Moises atubangan sa mga tigdumala sa Israel.

Isaias 43:20

Bisan ang ihalas nga mga mananap magpasidungog kanako, apil ang ihalas nga mga iro ug ang mga kuwago, kay maghatag akog mga tuboran diha sa disyerto, aron adunay mainom ang akong piniling katawhan.

Isaias 48:21

Wala sila uhawa sa dihang gipangulohan sila sa Dios didto sa mga kamingawan, kay gipatubod niya ang tubig alang kanila gikan sa bato. Gisiak niya ang bato ug mibuhagay ang tubig.

Daniel 2:38

Gitugyan niya kanimo ang mga tawo, mga mananap, ug mga langgam, sa bisan asa nga dapit. Ikaw mao ang nagsimbolo niadtong ulo nga bulawan sa estatuwa.

Daniel 7:17

Miingon siya, ‘Kadtong upat ka mananap nagkahulogan sa upat ka hari nga maghari sa kalibotan.

Numeros 20:11

Unya gibayaw ni Moises ang iyang baston ug gihapak sa makaduha ang bato, ug mibuswak ang makusog nga tubig. Ug nanginom ang katilingban ug ang ilang mga kahayopan.

Juan 4:10

Mitubag si Jesus, “Kon nahibaloan mo lang unta kon unsa ang ikahatag sa Dios, ug kon kinsa ako nga nangayo kanimo ug tubig, ikaw na gayod unta ang mangayo kanako ug hatagan ka nako ug tubig nga makahatag ug kinabuhi.”

Juan 4:14

Apan si bisan kinsa nga moinom sa tubig nga akong ihatag dili na gayod uhawon. Kay ang tubig nga akong ihatag kaniya mahisama sa buhi nga tuboran nga maghatag kaniya ug kinabuhi nga walay kataposan.”

Juan 7:37

Unya, miabot ang kataposan nga adlaw sa kasaulogan. Mao kini ang labing mahinungdanong adlaw sa pista. Niining adlawa mitindog si Jesus ug misulti ug kusog, “Si bisan kinsa nga giuhaw moduol kanako ug moinom.

Mga Taga-Galacia 4:25

Busa si Hagar, mao ang tukmang hulagway sa Bukid sa Sinai sa Arabia. Sa ato pa, sama siya sa siyudad sa Jerusalem karon, tungod kay ang mga tawo sa Jerusalem pareho sa mga ulipon sa ilang pagtuman sa Kasugoan.

Deuteronomio 9:21

Unya gikuha ko ang baka nga inyong gihimo, nga nagtukmod kaninyo sa pagpakasala, ug gitunaw ko kini sa kalayo. Pagkahuman gidugmok ko kini pag-ayo sama kapino sa abog, ug gisabwag sa walog nga nagdagayday gikan sa bukid.

Mga Taga-Colosas 2:17

Kini nga mga tulomanon anino lang sa mga gipaabot kaniadto nga mao si Cristo.

Mga Hebreo 10:1

Ang kasugoan anino lang sa mga kaayohan nga umaabot. Ang Kasugoan mismo dili makapamatarong sa mga tawo nga moduol sa Dios pinaagi sa ilang mga ginahalad kada tuig.

Gipadayag 22:17

Miingon ang Espiritu ug ang babaye nga kaslonon, “Dali!” Ug ang tanan nga naminaw moingon usab nga, “Dali!” Si bisan kinsa nga giuhaw ug gustong moinom moduol ug modawat sa tubig nga naghatag ug kinabuhi. Wala kini bayad.