1 Mga Taga-Corinto 10:19 - Ang Pulong sa Dios

¹⁹ Buot ko bang ipasabot nga ang mga dios-dios ug ang pagkaon nga gihalad ngadto kanila adunay bili?

Ang Biblia 2011

¹⁹ Unsa man ang akong buot ipasabot? Nga ang pagkaon nga gihalad ngadto sa mga diosdios may bili o nga may bili ang diosdios?

Maayong Balita Biblia

¹⁹ Wala ako mag-ingon nga may bili ang diosdios o ang pagkaon nga gihalad ngadto sa diosdios.

Ang Bag-ong Maayong Balita Biblia

¹⁹ Wala ako mag-ingon nga may bili ang diosdios o ang pagkaon nga gihalad ngadto sa diosdios.

1 Mga Taga-Corinto 10:19 Cross References

Isaias 40:17

Dili makatupong ang mga nasod kon itandi kaniya. Walay bili ang mga nasod alang kaniya.

Isaias 41:29

Tanan sila walay pulos, ug wala gayod silay kapuslanan. Sama sila sa hangin nga lumalabay lang.”

Mga Buhat 19:26

Nakita ninyo ug nadungog ang gihimo niining tawo nga si Pablo. Nag-ingon siya nga ang mga dios nga gihimo sa tawo dili tinuod nga mga dios. Ug daghan ang mituo kaniya, dinhi sa Efeso ug sa tibuok nga probinsya sa Asia.

1 Mga Taga-Corinto 1:28

Gipili sa Dios ang mga kabos ug talamayon, nga giisip sa katawhan nga walay kapuslanan, aron ipakita niya nga dili mahinungdanon ang giisip sa katawhan nga mahinungdanon.

1 Mga Taga-Corinto 10:14

Busa, mga hinigugma ko, ayaw gayod kamo pagsimba sa mga dios-dios.

1 Mga Taga-Corinto 13:2

Ug bisan makasugilon ako sa pulong sa Dios ug makasabot sa tanang tinagong mga kamatuoran ug sa tanang kahibalo, ug bisan mapabalhin ko ang bukid tungod sa akong dakong pagtuo, kon wala akoy gugma wala gayod akoy kapuslanan.

1 Mga Taga-Corinto 3:7

Dili mahinungdanon ang nagtanom ug ang gabisbis. Ang Dios lang gayod ang mahinungdanon kay siya man ang nagpatubo.

1 Mga Taga-Corinto 8:4

Busa kon mahitungod sa mga pagkaon nga gihalad ngadto sa mga dios-dios, nasayod kita nga walay tinuod nga dios-dios diri sa kalibotan, kay adunay usa lang gayod ka Dios.

2 Mga Taga-Corinto 12:11

Gipugos ninyo ako nga magpasigarbo sama sa buang-buang. Kay angay unta nga gidayeg ninyo ako ngadto sa mga nagpakaaron-ingnon nga mga apostoles, apan wala ninyo ako dayega. Bisan nasayran ko nga sa akong kaugalingon wala akoy ikapasigarbo, dili man ako malupigan nianang mga tawo nga labing maayo kuno nga mga apostoles.

Deuteronomio 32:21

Gipapangabugho nila ako sa dili tinuod nga dios, ug gipasuko nila ako sa ilang mga walay pulos nga mga dios-dios. Busa papangabughoon ko usab sila pinaagi sa pagpanalangin sa ubang mga nasod. Pasuk-on ko sila pinaagi sa pagpanalangin sa buang-buang nga mga nasod.