1 Mga Taga-Corinto 10:1 - Ang Pulong sa Dios

¹ Mga igsoon, gusto ko nga masayran ninyo ang nahitabo sa among mga katigulangan. Gitultolan sila sa Dios pinaagi sa panganod ug gitabangan niya sila sa ilang pagtabok sa Pulang Dagat.

Ang Biblia 2011

¹ Mga igsoon, dili ako buot nga kamo dili mahibalo nga ang tanan natong katigulangan nailalom sa panganod ug silang tanan mitabok sa dagat,

Maayong Balita Biblia

¹ Mga igsoon, buot kong hinumdoman ninyo ang atong mga katigulangan nga gipanalipdan sa panganod ug milatas sa Dagat nga Pula.

Ang Bag-ong Maayong Balita Biblia

¹ Mga igsoon, buot kong hinumdoman ninyo ang atong mga katigulangan nga gipanalipdan sa panganod ug milatas sa Dagat nga Pula.

1 Mga Taga-Corinto 10:1 Cross References

Nehemias 9:19

“Apan tungod sa imong dakong kaluoy kanila, wala mo sila pasagdi sa disyerto. Wala mobiya kanila ang panganod nga murag haligi nga nagtultol kanila kon adlaw, ug ang kalayo nga murag haligi nga naghatag ug kahayag sa dalan nga ilang gilakwan kon gabii.

Salmo 105:39

Sa panahon sa paglakaw sa mga Israelinhon, nagbutang ang Dios ug panganod sa paghatag ug landong kanila, ug kalayo sa paghatag kanila ug kahayag sa panahon sa kagabhion.

Salmo 66:6

Gipamala niya ang dagat; ug gitabok sa atong mga katigulangan ang suba nga naglakaw lang. Tungod niadtong gihimo sa Dios, maglipay kita.

Salmo 78:53

Giubanan niya sila, busa wala sila mahadlok. Apan ang ilang mga kaaway nangalumos sa dagat.

Exodo 14:29

Apan ang mga Israelinhon naglakaw sa malang yuta taliwala sa dagat, diin ang mga tubig nahimong murag paril sa ilang isigka-kilid.

Exodo 40:34

Pagkahuman niining tanan, ang gamhanang presensya sa Ginoo milukop sa Tolda nga Tagboanan, sa dagway sa panganod.

Numeros 14:14

Kon laglagon mo ang imong katawhan, isugilon nila kini sa mga lumulupyo sa Canaan. Kini nga mga Canaanhon nakadungog na nga ikaw, Ginoo, nag-uban sa mga Israelinhon ug nagpakita kanila pinaagi sa panganod nga gagiya kanila. Gipangunahan mo sila kon adlaw pinaagi sa panganod nga daw haligi, ug kon gabii pinaagi sa kalayo nga daw haligi.

Numeros 33:8

Gikan sa Pi Hahirot, mitabok sila sa dagat ug miadto sa kamingawan. Tulo ka adlaw silang naglakaw didto sa kamingawan sa Etam, ug unya nagkampo sa Mara.

Juan 4:20

Ang among mga katigulangan nagsimba sa Dios dinhi niining bukid, apan kamo nga mga Judio nag-ingon nga ang mga tawo angay magsimba didto lamang sa Jerusalem.”

Roma 1:13

Mga igsoon, gusto ko nga masayran ninyo nga kadaghan na ako magplano pagduaw kaninyo apan adunay nakababag kanako. Buot usab akong makapangani diha kaninyo ingon sa akong gibuhat sa ubang mga dili Judio.

Roma 11:21

Tungod kay kon gipangputol man gani sa Dios ang tinuod nga mga sanga mas masayon ang pagpamutol kaninyo, kay sinumpay man lang kamong mga sanga.

Roma 4:11

Gituli siya isip timailhan nga gipakamatarong na siya sa Dios tungod sa iyang pagtuo sa wala pa siya matuli. Mao nga si Abraham nahimong amahan sa tanan nga dili Judio apan nagtuo sa Dios; ug tungod sa ilang pagtuo gipakamatarong sila sa Dios.

1 Mga Taga-Corinto 12:1

Mga igsoon, gusto ko nga masabtan gayod ninyo ang mahitungod sa mga hiyas nga gihatag sa Espiritu.

1 Mga Taga-Corinto 14:38

Ug kon adunay dili motagad niining akong gisulti, ayaw usab siya tagda.

Mga Taga-Galacia 3:29

Ug tungod kay kamo iya na ni Cristo, mga kaliwat kamo ni Abraham, ug kon unsa ang gisaad sa Dios kang Abraham madawat usab ninyo.

Deuteronomio 1:33

nga gauna kaninyo sa inyong paglakaw, pinaagi sa kalayo kon gabii ug sa panganod kon adlaw. Gipangitaan niya kamo ug mga dapit nga inyong makampohan ug gitudloan niya kamo kon asa moagi.

Mga Hebreo 11:29

Tungod sa pagtuo, milatas ang mga Israelinhon sa Pulang Dagat nga sama sa naglakaw lang sila sa malang yuta. Apan ang mga Ehiptohanon nga migukod kanila nangalumos.

Josue 4:23

Kay gipamala sa Ginoo nga inyong Dios ang Suba sa Jordan hangtod nga nakatabok kamo sama sa gihimo niya kaniadto sa Pulang Dagat hangtod nga nakatabok kita.