1 Yoni 5:13 - Yisasini Kama Vaya

¹³ Tiyarafenu Anintá ma mumunan ukheona kayo ano ayun para van aunan manté uno sire afová ono van mi ma vompon uvaman amé uno.

1 Yoni 5:13 Cross References

Yoni 1:12

Ída aviren mifo véintá ma mumunan ein nanin bantan maman Tiyarafenu akhafanaíen mino.

Yoni 2:23

Avo Uantan Damú ma Yisasi Yerusaremí báken ma kokhon enará ukhein danasinta ma aníin onein nan minó nanin banta ano véintá ana mumunan en mino.

Yoni 20:31

Ída uvaré umpo ma vompon ma séi uvareruna mai Yisasin nan Tiyarafenu ano ma aní ukharé ein banta ino seya inká béi Tiyarafenu Anin mino se ureya véintá mumunan ono van mi uvaré uno. Béintá ma mumunan inona ano fara van oriyan ban aunan baran nono.

Yoni 21:24

Mai eyo iyampon mano anan mai yanasinta van tian afoká uren ma vompon uvamá den mino. Mai ma véi ma sian afoká ein baya mai setí ankan afová ukhé tifékun mai fura vaya uron mino.

Yoni 3:18

Tiyarafenui auuanon tákena mana iyampon uró ma vaintá ma ída mumunan iyain nanin banta kéká pefái yaimáan afeyorampin ban mifo mai mana iyampontá ma mumunan iyain kayo ano ída afeyoranten mino.

Yoni 5:24

Téi fura siré tiretí ankan tiamé uno. Mana vanta ano ma sen tivaya inire ma séin ma sisintá erikheruna Tiyarafenurá ma mumunan inona ano ída kípan ayun para van oriyan ban aunan baran nono. Betíi ume ma yaimin ída vanten mifo veti fefái furin dafu finté ekháden para van oriyan ban aunani yafufin erikhen mino.

Aposeri 3:16

Berasan Yisasintá mumunan iyáké ben avíkái ma vanta ayanóan mantékun ákona mamarai óde afová iya ono. Yisasin avíká ma mumunan in manon pura sen ma vanta ayofakhayan oniya rono.

Aposeri 4:12

Máan tukhantin ma varará banta ída ena vanta Tiyarafenu ano amikhá intin banasi evaráne aviranten e sikháintin tetin ída siyainten mifo Yisasi anan tetin barará nanin banta kama uren evaránen tiviranten mino.

2 Korini 5:1

Mai fara vara seyo, ma varará ma yavaráe namun uvantáin ma varákiyain an mi setin tu ano yakhá afová ukhé tiferuna furé maé ma vararái ma vukhafa me ampé tifanté uno. Máan tuvintin maen para van oriyan ban bukhafa ma Tiyarafenu ano veyantá uvantein timídantíi inarufá o vá tifanté uno.

Karesia 4:6

Tiretí ankan inka Tiyarafenu akhafanaí uven nan mai van mi ve Anini Aunan tiantan tiretimpin eriven mai Aunan manon “Abba, Tifóe oe,” sen ariyan mino.

1 Pita 5:12

Ten má ákonaen monó dorarí iyain tifá tiváe ino sé ma inikheruna vanta Sairasi mái siya iká asíka vompon tiretin uvaman amé uno. Inte uman ná tiretin amaniná afoká é iyan nafi mai Tiyarafenui sarisari ano siretin má bakái ákona uantano van ma vompon uvaré uno.

1 Yoni 1:4

Tetí ankampin moéken timusin bíkano van mi ma vompon uvaman amiyá tiféuno.

1 Yoni 2:1

Téi ma sinunu ukheruna iyamporinta oe, siretí ankan ída umeí ono van mi ma vompon uvaman amiyá uno. Mana ano ma umeí inteya mai mana vanta váken mi setisi ume ampisintano van Tiyarafenun tiamiyan ban mino. Béi Yisas Karaisi Tiyarafenu avorá puntákein bantan ban mino.

1 Yoni 2:21

Máan tukhen nái siretí ankan nan pura vaya ída afová ukhen mino va sé iniresa ma vompon uvaman amiya rauno. Ída ino. Tiyarafenui fura vaya kayo vá kampun baya kayo vá ano ída manafiní ukhá pasé mai vaya afová ono van mi ma vompon uvaman amiyá uno.

1 Yoni 2:25

Máan ten ma setin má manafin bantí maéi mai ma Yisas Karaisi ano ma ayun ma fara van oriyan ban aunan ma iyátintákaré ein mai simusin má bará tifanté uno.

1 Yoni 2:26

Mai ma siretí ankan kampun tiré e avían namu avúavápin kaono van ma iyain mai kéká afová ureya ferano van mi ma vompon uvaman amé uno.

1 Yoni 3:23

Béi ma sikheiní esá ben anin Yisas Karaisin avíká mumunan iyá ena nanin banta vasá avábá in maran ó tifano. Máan ma in avúavái veni man baya van mino.

1 Yoni 4:9

Tiyarafenu ano ma setin nan anunu ukhein mi aníen be Anin mana iyampon uró tiantan ma varará eren mino. Béin pinté uaren ayun ma fara van oriyan ban aunan barano van mi máan ten mino.

1 Yoni 5:10

Mai vaya van mi Tiyarafenu Anintá ma mumunan iyain kayo ano mai furan tikhen ne sen afová iyan mino. Mai fara vara seyo, ída ma mumunan iyain kayo ano Tiyarafenu van kampun banta inon tiyáken ben Anini vaya ma sian amá iyain nan ída mumunan iyan mino.

1 Yoni 5:11

Máan tiyan mi Tiyarafenu ano mai van tian amá ukhen mino. Be Anini avúavá ánain ma vákuriyá tiferuna kékái ayun ma fara van oriyan ban aunan Tiyarafenu ano simikhen mino.

1 Yoni 5:20

Tetí ankan nan pura sikhein Tiyarafenu afová ino van mi ve Anin mano setin morun afova simikhá afová iyá tiféuno. Máan tukhái setí ankan ma ven Anin Yisas Karaisimpin baruna van mi Tiyarafenu fin bá tifere siyá uno. Beyáká anan pura sikhein Tiyarafenu váken ayun ma fara van oriyan ban aunan mi van mino.