Lucas 2:12 - Ang Pulong sa Dios Mao kini ang timailhan sa akong gisulti: makita ninyo ang bata nga giputos sa panapton ug naghigda sa pasungan.” Ang Biblia 2011 Ug kini mao ang ilhanan alang kaninyo: inyong makit-an ang usa ka gamayng bata nga naputos sa mga bakbak ug naghigda sa pasongan.” Maayong Balita Biblia Mao kini ang inyong ilhanan: makaplagan ninyo ang usa ka bata nga giputos ug panapton ug naghigda sa pasungan.” Ang Bag-ong Maayong Balita Biblia Mao kini ang inyong ilhanan: makaplagan ninyo ang usa ka bata nga giputos ug panapton ug naghigda sa pasungan.” |
Unya miingon si Isaias kang Ezequias, “Mao kini ang timailhan nga panalipdan sa Ginoo ang Jerusalem gikan sa mga taga-Asiria: “Karong tuiga mokaon kamo sa mga bunga sa mga tanom nga nanubo, ug sa ikaduhang tuig ang mga bunga sa mga tanom nga nanubo mao na usab ang inyong kan-on. Apan sa ikatulong tuig makatanom na kamo ug mga lugas ug makaani. Makatanom usab kamo ug mga ubas ug makakaon sa bunga niini.
Nangutana na kaniadto si Ezequias kang Isaias, “Unsay timailhan nga maayo ako ug makaadto sa Templo sa Ginoo sa ikatulo nga adlaw?”
Gibiay-biay ako ug gitamay sa mga tawo. Miingon sila nga sama ako sa usa ka ulod ug dili tawo.
Miingon ang Dios, “Mag-uban ako kanimo, ug mao kini ang mahimong timailhan nga ako ang nagpadala kanimo: Kon mapagawas mo na ang mga Israelinhon gikan sa Ehipto, magsimba kamo kanako dinhi niining bukira.”
“Pangayog timailhan kanako, ang Ginoo nga imong Dios, sa pagpamatuod nga tumanon ko ang akong saad. Bisan pa maggikan kini sa ilalom, didto sa dapit sa mga patay, o sa taas, didto sa langit.”
Busa ang Ginoo na mismo ang mohatag ug timailhan kaninyo. Ug mao kini ang timailhan: Magsabak ang usa ka batan-ong babaye ug manganak siyag lalaki, ug nganlan niya kinig ‘Emmanuel.’
Sa kalit lang, nagpakita sa langit ang dakong panon sa mga anghel ug nagduyog sila sa pagdayeg sa Dios. Miingon sila,
Nanganak siyag lalaki nga mao ang iyang kamagulangan nga anak. Giputos niya kini ug panapton ug gipahigda sa pasungan, tungod kay wala na gayod silay lugar sa balay nga abutanan.
“Ug ingon nga timailhan niini, mangamatay ang imong duha ka anak nga si Hofni ug si Pinehas sulod sa usa lang ka adlaw.