Jonas 2:4 - Ang Pulong sa Dios Gipahilayo mo ako sa imong presensya, apan maglantaw gihapon ako sa imong balaan nga templo. Ang Biblia 2011 Unya ako miingon, ‘Gisalikway ako gikan sa imong atubangan; unsaon man nako pagtan-aw pag-usab sa imong balaan nga Templo?’ Maayong Balita Biblia Nagdahom ako nga nahilayo na ako kanimo ug dili na ako makakita pag-usab sa balaan mong Templo. Ang Bag-ong Maayong Balita Biblia Nagdahom ako nga nahilayo na ako kanimo ug dili na ako makakita pag-usab sa balaan mong Templo. |
pamatia ang ilang pag-ampo. Kon didto sa dapit sa mga kaaway nga nagbihag kanila mobalik sila kanimo sa tibuok nilang kasing-kasing ug huna-huna, ug mag-ampo sila kanimo nga nag-atubang niining yuta nga imong gihatag sa ilang mga katigulangan, niining lungsod nga imong gipili, ug niining Templo nga akong gipatukod sa pagpasidungog kanimo,
papahawaon ko kamo sa yuta nga gihatag ko kaninyo, ug isalikway ko kining Templo nga gipili ko ingon nga dapit diin pasidunggan ako. Unya biay-biayon ug bugal-bugalan sa tanang mga tawo ang Israel.
pamatia ang ilang pag-ampo. Kon didto sa dapit diin gibihag sila mobalik sila kanimo sa tibuok nilang kasing-kasing ug huna-huna, ug mag-ampo nga nag-atubang niining yuta nga imong gihatag sa ilang mga katigulangan, niining siyudad nga imong gipili, ug niining Templo nga akong gipatukod sa pagpasidungog kanimo,
Sa akong kalisang miingon ako, “Gisalikway mo ako gikan sa imong atubangan.” Apan gidungog mo ang akong pagpakiluoy sa dihang nangayo akog tabang kanimo.
Sa adlaw ginapakita mo, Ginoo, ang imong gugma, busa sa gabii nag-awit ako isip pag-ampo kanimo, O Dios sa akong kinabuhi.
Apan ako, makasulod sa imong balay tungod sa imong dakong gugma kanako. Ug didto simbahon ka nako nga adunay pagtahod.
Tinuod nga ang akong pag-antos alang sa akong kaayohan. Tungod sa imong gugma, giluwas mo ako sa kalaglagan ug gipasaylo mo ang akong mga sala.
Apan miingon ang katawhan sa Jerusalem, “Gisalikway na kami sa Ginoo. Gikalimtan na niya kami.”
Miingon ang Ginoo kanako, “Bisan pag magpakiluoy si Moises ug si Samuel kanako alang niining mga tawhana, dili ko gayod sila kaloy-an. Busa papahawaa sila sa akong atubangan. Ipalayo sila gikan kanako!
Abugon ko kamo gikan sa akong presensya sama sa gihimo ko sa inyong mga paryente, ang katawhan sa Israel.’
Miingon pag-usab ang Ginoo kanako, “Tawo, kana nga mga bukog nagrepresentar sa tibuok katawhan sa Israel. Nag-ingon sila, ‘Uga na ang amo nga mga bukog, ug wala na kamiy paglaom; gilaglag na kami.’
Sa pagkahibalo ni Daniel nga mipirma na ang hari, mipauli siya ug miadto sa iyang kuwarto nga anaa sa taas sa balay, diin adunay mga abli nga bintana nga nag-atubang sa Jerusalem. Didto nag-ampo siya ug nagpasalamat sa Dios nga nagluhod, katulo sa usa ka adlaw, sumala sa iyang naandang ginahimo.
“Sa dihang hapit na mahugno ang akong kinabuhi, misangpit ako kanimo, Ginoo, ug gidungog mo ang akong pag-ampo didto sa imong balaan nga templo.