Kinsa kining gamhanang Hari? Siya mao ang Ginoo nga kusgan ug lig-on sa pagpakig-gira.
Exodo 15:3 - Ang Pulong sa Dios Ginoo ang iyang ngalan, ug usa siya ka manggugubat. Ang Biblia 2011 Ang Ginoo manggugubat; Yahweh ang iyang ngalan. Maayong Balita Biblia Manggugubat ang Ginoo; Yahweh ang iyang ngalan. Ang Bag-ong Maayong Balita Biblia Manggugubat ang Ginoo; Yahweh ang iyang ngalan. |
Kinsa kining gamhanang Hari? Siya mao ang Ginoo nga kusgan ug lig-on sa pagpakig-gira.
Hinaut pa nga makaamgo sila nga ikaw, Ginoo, mao lang ang Labing Halangdong Dios sa tibuok kalibotan.
Gipaungot niya ang mga ligid sa ilang mga karwahi aron maglisod sila sa pagpadagan niini. Miingon ang mga Ehiptohanon, “Moatras na lang kita gikan sa mga Israelinhon, kay ang Ginoo mao ang nakig-gira kanato alang kanila.”
Miingon si Moises sa Dios, “Pananglit moadto ako sa mga Israelinhon ug ingnon ko sila nga ang Dios sa ilang mga katigulangan nagpadala kanako sa pagluwas kanila, unya mangutana sila kanako, ‘Kinsay iyang ngalan?’ Unsa may akong itubag kanila?”
Mitubag ang Dios kang Moises, “Ako ang Dios nga mao sa gihapon. Mao kini ang imong itubag kanila: ‘Ang Dios nga mao sa gihapon mao ang nagpadala kanako nganhi kaninyo.’ ”
Miingon pa gayod ang Dios kang Moises, “Isulti kini sa mga Israelinhon: ‘Ang Ginoo, ang Dios sa inyong mga katigulangan nga si Abraham, Isaac, ug Jacob mao ang nagpadala kanako nganhi kaninyo.’ “Ginoo ang akong ngalan ug pagailhon ako sa mao nga ngalan hangtod sa hangtod.
Makig-away ang Ginoo sama sa usa ka sundalong kusgan ug isog. Mosinggit siya sa pagsulong, ug modaog siya batok sa iyang mga kaaway.
Ako mao ang Ginoo, mao kana ang akong ngalan! Dili ko ihatag ang akong pasidungog kang bisan kinsa o ang pagdayeg nga alang kanako ngadto sa mga dios-dios.
Mao kini ang gisulti sa Ginoo nga naghimo ug nagpahimutang sa kalibotan, ang Ginoo ang iyang ngalan: