Unya nagpadala si David ug mga mensahero kang Isboset aron sa pag-ingon, “Ibalik kanako ang akong asawa nga si Mical, kay naasawa ko siya baylo sa 100 ka panit sa tumoy sa kinatawo sa mga Filistihanon.”
2 Samuel 6:16 - Ang Pulong sa Dios Sa dihang pasulod na ang Sudlanan sa Ginoo didto sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga naglukso-lukso ug nagsayaw-sayaw sa presensya sa Ginoo, gitamay niya kini. Ang Biblia 2011 Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing. Maayong Balita Biblia Sa pagsulod na sa Sudlanan sa Kasabotan sa Ginoo sa siyudad ni David, si Mical nga anak ni Saul milantaw sa bintana ug nakita niya si David nga nagluksolukso ug nagsayawsayaw atubangan sa Ginoo ug wala siya mahimuot sa gibuhat ni David. Ang Bag-ong Maayong Balita Biblia Sa pagsulod na sa Sudlanan sa Kasabotan sa Ginoo sa siyudad ni David, si Mical nga anak ni Saul milantaw sa bintana ug nakita niya si David nga nagluksolukso ug nagsayawsayaw atubangan sa Ginoo ug wala siya mahimuot sa gibuhat ni David. |
Unya nagpadala si David ug mga mensahero kang Isboset aron sa pag-ingon, “Ibalik kanako ang akong asawa nga si Mical, kay naasawa ko siya baylo sa 100 ka panit sa tumoy sa kinatawo sa mga Filistihanon.”
Apan nailog gihapon nila ni David ang kuta sa Zion, nga gitawag usab nga Lungsod ni David.
Samtang ginadala ni David ug sa mga Israelinhon ang Sudlanan sa Ginoo, naghugyaw sila ug nagpatingog sa mga budyong.
Sa dihang mipauli si David sa pagbendisyon sa iyang panimalay, gitagbo siya ni Mical nga anak ni Saulo ug gisukmatan, “Pagkahalangdon sa hari sa Israel karong adlawa! Mura siyag buang nga walay kaulaw nga nagsayaw-sayaw nga halos hubo atubangan sa mga babayeng sulugoon sa iyang mga opisyal. Bastos lang nga tawo ang naghimo niana.”
Pag-abot sa Sudlanan sa Kasabotan sa Ginoo sa Lungsod ni David, midungaw si Mical nga anak ni Saulo sa bintana. Ug sa dihang nakita niya si Haring David nga nagsayaw-sayaw sa kalipay, nakasaway siya niini.
Kaloy-i kami, Ginoo! Kaloy-i kami, kay nanobra na ang pagtamay nga among nadawat.
Gibiay-biay siya ug gisalikway sa mga tawo. Daghan ang iyang nasinati nga mga kasakit ug pag-antos. Ato siyang gitalikdan, gitamay, ug gipakawalay-bili.
Apan ang uban nagbugal-bugal sa mga magtutuo nga nag-ingon, “Mga hubog kining mga tawhana!”
Apan ang tawo nga wala kaniya ang Espiritu dili modawat sa mga pagtulon-an nga gikan sa Espiritu sa Dios, tungod kay alang kaniya binuang lang kini. Ug dili niya kini masabtan tungod kay ang Espiritu lang gayod sa Dios mao ang makatabang kaniya sa pagsabot niini.
Usa niana ka higayon, miingon si Saulo kang David, “Andam ako nga ipaasawa kanimo ang akong kamagulangang anak nga si Merab sa kondisyon nga mag-alagad ka kanako nga maisogon ug makig-gira alang sa Ginoo.” Naghuna-huna si Saulo nga pinaagi niini mapatay si David sa mga Filistihanon, ug dili na kinahanglan nga siya pa ang mopatay niini.
Unya ang usa ka anak ni Saulo nga babaye nga si Mical nakagusto kang David. Ug sa dihang gisultihan si Saulo bahin niini, nalipay siya.