Ang kamatayon daw pisi nga milambod kanako ug daw lit-ag nga nag-atang sa akong agianan. Ang kalaglagan daw bul-og sa baha nga nagkuso-kuso kanako.
2 Samuel 22:5 - Ang Pulong sa Dios Ang kamatayon daw balod nga mikuso-kuso kanako. Ang kalaglagan daw sulog sa baha nga mianod kanako. Ang Biblia 2011 “Kay ang mga balod sa kamatayon naglibot kanako, ang mga bul-og sa kapildihan mihasmag kanako; Maayong Balita Biblia “Kay sa dihang gilibotan ako sa mga balod sa kamatayon, nahadlok ako sa bul-og sa mga tawong daotan, Ang Bag-ong Maayong Balita Biblia “Kay sa dihang gilibotan ako sa mga balod sa kamatayon, nahadlok ako sa bul-og sa mga tawong daotan, |
Ang kamatayon daw pisi nga milambod kanako ug daw lit-ag nga nag-atang sa akong agianan. Ang kalaglagan daw bul-og sa baha nga nagkuso-kuso kanako.
Sa adlaw ginapakita mo, Ginoo, ang imong gugma, busa sa gabii nag-awit ako isip pag-ampo kanimo, O Dios sa akong kinabuhi.
Bisan asa tahoron ug pasidunggan siya sa mga tawo, kay moabot siya sama sa naghaguros nga tubig nga gihuyop sa makusog nga hangin sa Ginoo.
Gitambog mo ako sa kinahiladman sa dagat. Gilibotan ako sa tubig ug gibanlas sa mga balod nga imong gipadala.
“Kon makita ninyo nga ang Jerusalem gilibotan na sa mga sundalo, mahibaloan ninyo nga hapit na ang iyang pagkapukan.
Mahitabo kini samtang ang mga wala motuo moingon, “Malinawon ang tanan ug walay katalagman.” Apan sa kalit lang moabot kanila ang kalaglagan, sama sa babayeng nagbati, ug wala gayoy makaikyas kanila.
Unya, miduol kanako ang usa niadtong pito ka anghel nga nagdalag mga yahong. Miingon siya, “Dali, ipakita ko kanimo kon unsaon sa pagsilot ang inilang babayeng nagbaligya sa iyang dungog, nga didto naglingkod sa daghan nga tubig.
Miingon usab kanako ang anghel, “Ang mga tubig nga imong nakita, nga gilingkoran sa babayeng nagbaligya sa iyang dungog, mao ang mga tawo gikan sa nagkalain-laing kaliwatan, nasod ug pinulongan.