2 Samuel 13:5 - Ang Pulong sa Dios Miingon si Jonadab, “Higda ug pagpasakit-sakit. Kon mobisita ang imong amahan kanimo, hangyoa siya nga paanhion si Tamar dinhi aron sa pagpakaon kanimo. Ingna usab siya nga gusto mong dinhi mag-andam si Tamar sa pagkaon aron makita nimo, ug nga siya gayod ang mohungit kanimo.” Ang Biblia 2011 Si Jonadab miingon kaniya, “Higda sa imong higdaanan ug pagpasakitsakit ug kon ang imong amahan moanhi aron sa pagtan-aw kanimo, ingna siya, ‘Paanhia ang akong igsoon nga babaye nga si Tamar, aron maoy maghatag kanako ug pan aron kaonon, ug mag-andam ug pagkaon sa akong atubangan aron makita ko kini ug kaonon kini gikan sa iyang kamot.’ ” Maayong Balita Biblia Giingnan siya ni Jonadab, “Higda sa imong higdaanan ug pagpasakitsakit. Unya inigduaw kanimo sa imong amahan, ingna siya, ‘Paanhia si Tamar ug padad-a siyag pan ug ipaandam kaniya ang akong pagkaon sa akong atubangan ug hungitan ako niya.’” Ang Bag-ong Maayong Balita Biblia Giingnan siya ni Jonadab, “Higda sa imong higdaanan ug pagpasakitsakit. Unya inigduaw kanimo sa imong amahan, ingna siya, ‘Paanhia si Tamar ug padad-a siyag pan ug ipaandam kaniya ang akong pagkaon sa akong atubangan ug hungitan ako niya.’” |
Usa ka adlaw niana, giingnan niya si Amnon, “Anak ka sa hari, apan nganong kada adlaw kanunay ka nako nga makita nga nagluya? Sultihi kuno ko sa imong problema.” Miingon si Amnon kaniya, “Nakagusto ako kang Tamar, ang igsoon sa akong igsoon sa amahan nga si Absalom.”
Busa mihigda si Amnon ug nagpasakit-sakit. Sa dihang mibisita kaniya si Haring David, miingon siya, “Palihog paanhia ang akong igsoon nga si Tamar aron maghimo ug pan samtang nagtan-aw ako, ug unya hungitan niya ako.”
Mitubag si Ahitofel, “Pakigdulog sa mga asawa sa imong amahan nga iyang gibilin aron mag-atiman sa palasyo. Unya mahibaloan sa tanang mga Israelinhon nga gipasuko mo pag-ayo ang imong amahan, ug tungod niini molig-on pa gayod ang suporta sa imong mga tawo kanimo.”
Anak, kon dili ka mamati sa mga pagtul-id sa imong pamatasan, gisalikway mo ang mga pagtulon-an nga naghatag ug kaalam.
Busa kamo ug ang Korte magpahibalo na sa komander nga gusto ninyo nga ipadala niya pag-usab si Pablo dinhi kaninyo. Magpakaaron-ingnon kamo nga gusto ninyo siyang imbistigahon pag-ayo. Apan sa dili pa siya makaabot dinhi patyon namo siya.”