1 Samuel 17:8 - Ang Pulong sa Dios Mitindog si Goliat ug misinggit ngadto sa mga Israelinhon, “Nganong kamo mang tanan ang makig-away? Usa ako ka Filistihanon ug kamo mga sulugoon ni Saulo. Pagpili kamog usa ka tawo nga makig-away kanako. Ang Biblia 2011 Siya mitindog ug misinggit ngadto sa mga panon sa kasundalohan sa Israel, “Nganong nanganhi kamo aron sa paghan-ay sa inyong kasundalohan alang sa pagpakiggubat? Dili ba ako usa ka Filistihanon ug kamo mga sulugoon ni Saul? Pagpili kamo ug usa ka tawo alang kaninyo, ug paanhia siya kanako. Maayong Balita Biblia Mibarog siya atbang sa mga sundalo sa Israel ug iyang gisinggitan sila, “Nganong nia man mo dinhi? Gubat diay ang inyong tuyo? Nia ko, usa ka Filistihanon, kamo mga sulugoon lang ni Saul. Pagpili kamog tawo aron makigsangka kanako! Ang Bag-ong Maayong Balita Biblia Mibarog siya atbang sa mga sundalo sa Israel ug iyang gisinggitan sila, “Nganong nia man mo dinhi? Gubat diay ang inyong tuyo? Nia ko, usa ka Filistihanon, kamo mga sulugoon lang ni Saul. Pagpili kamog tawo aron makigsangka kanako! |
Miingon si Uria kang David, “Ang Sudlanan sa Kasabotan ug ang mga sundalo sa Israel ug Juda atua sa mga kampo sa kapatagan, ug atua usab ang among komander nga si Joab ug ang iyang mga opisyal. Makaako ba ako sa pagpauli aron mokaon, moinom, ug makigdulog sa akong asawa? Ipanumpa ko kanimo nga dili ko gayod kana mahimo.”
Apan mitubag si Joab, “Hinaut pa nga padaghanon sa Ginoo sa 100 ka pilo ang imong katawhan. Apan, Mahal nga Hari, nganong buhaton mo man kini? Dili ba mga sakop mo man sila? Nganong i-angin mo man sila sa pagpakasala?”
Samtang nakigsulti siya kanila, miabante si Goliat, ang maayong makig-away nga Filistihanon nga taga-Gat, ug gihagit na usab niya ang mga Israelinhon. Ug nadunggan kini ni David.
Nangutana si David sa mga tawo nga nagtindog duol kaniya, “Kinsa ba gayod kanang Filistihanon, nga wala nakaila sa Dios, nga nanghagit sa mga sundalo sa buhi nga Dios? Ug unsa ang madawat sa tawo nga makapatay kaniya aron maundang ang iyang pagpakaulaw sa Israel?”
Kuhaon pa gayod niya ang ikapulo sa inyong mga mananap, ug kamo mismo mahimong iyang mga ulipon.