Nehemi 13:1 - Bible azumeina

¹ Kur biza ndata a ndum mbaktumba hi Moise-sa avok suma, a fe b’ira kä ala: Suma Amon-na ki suma Mowap-ma a kal kur toka hAlonid’a d’i.

Nehemi 13:1 Referències creuades

Nehemi 9:3

Bugola, a tchol akulo kaseziya, a ndum Gata hi Ma didina Alo mazinid’a gak lera hindi, a däd’u tcho mazi d’a azi lata woyo, a grif kä avok Ma didina Alo mazina gak lera hindi mi.

Nehemi 13:23

Kur biza ndata tata an we Juif suma dingâ a vik gro arop suma Asdot-na, suma Amon-na ki suma Mowap-ma.

2 Amuleina 23:2

Amulâ ki suma Juda-na pet ki suma a nga kaka avo Jerusalem-ma, suma ngat buzuna, suma djok vun Alona kablaud’a pet suma nglona ki kemba a tchuk krovo kur gulumuna hi gong nga kud’ora hi Ma didinid’a. Mi ndum zla d’a kur mbaktum mba Alona mi djin vunam kurut ta a fat kur gong mambid’a avorozi pet.

Sunda hi suma a sunuzinid’a 15:21

Kayam me, kur atchogoi d’a kala gak ki tchetchem, suma a nga tchi wala yam gata hi Moise-sa kur azì ma ngol ma lara ge pet, a nga ndum mbaktum mamba kur gongîyo suma toka hi Juif-fîna, kur bur ma sabat ma lara ge pet.

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Wana ni Zla d’a Djivi d’a Luc mi b’irita 10:26

Jesus mi dum ala: A b’ir kur gat meid’a nana ge? Ang ndumut ni nana?

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Jeremi 48:1

Wana ni zla d’a Ma didin ma ad’engêm kal petna, Alona hi Israel-lîna, mi dat yam suma Mowap-mid’a. Mi dala: Ni zla d’a hohoud’a yam azì ma Nebo-na, kayam a b’lagam mbei da’. Suma kur azì ma Kiriyatayim-ma a mbut zulona, kayam a hlum da’. Suma a nga kur gong nga fiyaka á ndjolina a mbut zulona, kayam a b’lagat tei da’.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Nehemi 4:3

Tobiya ma Amon-na nga tchola gevemu, mi dala: A min ni gulumun me ko ge? Arauna mba mi djak kua ni mam go ba, ahina ndata mba d’i dris kä woyo!

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Nehemi 2:10

Kid’a Sanbalat ma Horon-na ki ndram ma sunda Tobiya ma Amon-na a hum zla ndatid’a, huruzi zal ngola, kayam an mba á hal djivid’a hi Israel-lîd’a.

Ndumba 22:5

Mi tchuk suma sunda gen Baläm Beyor gorom ma nga Petor avun alum ma Efrat ma yam andaga mambina, mi dum ala: Ang gola! Suma a tcholï yam ambas sa Ezipte-d’a, a hle yina woi yam andagad’a, a kak nga ngagad’a avogon hina d’ar.

Nehemi 8:2

Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.