Ndumba 24:10 - Bible azumeina

¹⁰ Balak hurum zal ngola ata Baläm, mi tchi abomu, mi dum ala: An yangî ka hî ná ge vuna mi man suma djangûna. Gola! Ang b’e wa vuna kazi b’e b’e yang hindi!

Ndumba 24:10 Referències creuades

Ezekiyel 21:14

Ang gor sana, ang djok vuna ala: Salad’a Ma didina mi dala: Mbigeu d’a fiyaka! Mbigeu d’a fiyaka! A gurut wa, a heget wa siyat mi.

Ndumba 23:11

Balak mi de mi Baläm ala: Ang lan ni me na ge? An yangî ala ang gan ni man suma djangûna vuna. Gola! Ang nga b’e ni vuna kazi zang!

Ezekiyel 22:13

Gola! An nga ni tchabon yam mbiyo ma tcho ma ang fuma ki mat ma ang tchum kurungâ.

Ezekiyel 21:17

Ang gor sana, ang tchi tchi ma hohoud’a, kayam mbigeud’a ti nde wa abu á ka sum mana, á ka nglo d’a Israel-la pet. A tchuguzi avun mbigeu d’a fiyaka ki sum mana zlapa tu. Kayam ndata, ang tchabong kurungû.

Wana ni mbaktumba hi Job-pa 27:23

A mba tchabozi yam zla mamba, a mba yi tazi ki feta kam ata yima mam nga kuana.

Nehemi 13:2

Kayam azi d’ugol nga Israel-lâ ki tena ki mbina d’i, kayam azi kak djangûna ki sed’eziya, a wurak beged’a mi Baläm ala mi gazi vuna, wani Alo meina mi mbut vun ma ged’a b’e vuna mi.

Ndumba 22:17

Kayam an mba ni mbud’ung sama suma a mba suburum ngola heîna, an mba ni lang ahlena pet suma ang mba dan kazina. An nga ni tchenengû, ang mbeï gan sum ndazina vuna.

Ndumba 22:11

Ang gola! Suma a tcholï yam ambas sa Ezipte-d’a a hle yina woi yam andagad’a. Ang mbeï gandji vuna. Hina wani, dam an mba ni duruziya, an mba ni digizi woi yam ambasa kla na.

Ndumba 22:6

An nga ni tchenengû, ang mbeï gandji vuna, kayam azi kalan kad’enga. Hina wani, dam an mba ni duruziya, an mba ni digizi woi yam ambasa kla. Kayam an wala sama ang b’e vunang kama, mi ka’î sama vun ma b’ed’a kama; sama ang gum vunina, mi ka’î sama vun ma ged’a kama mi.

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

Ndumba 24:11

Ki tchetchemba, ang ge tang i yi mangâ avo hatangû. An dang ala: An mba ni mbud’ung sama simiyêm yi heîna, wani Alona mi d’eleng ala simiyêng mi yi d’i.

Gat ta a hat á mbàd’id’a 23:6

Ata yima agi nga ki iragi tua na, agi djib’eregi yam ndjondjoî mazid’a ki djivi mazid’a d’i.

Sunda hi suma a sunuzinid’a 11:10

Va máma le hina hina yam hindi, ata yi máma na wat a hlum sä akulo.